Abaı oblysyndaǵy fermerlerge jeńildetilgen nesıelerge qosymsha 8 mlrd teńge bólindi
Abaı oblysy ákimdiginiń málimetine súıensek, óńir sharýalaryna jyldyq 5% nesıe qoljetimdi. Agrarlyq nesıe korporatsııasynyń óńirlik fılıaly kóktemgi egis jáne egin jınaý jumystaryn qarjylandyrýdy jalǵastyrýda. Osy maqsattarǵa qolda bar 1,3 mlrd teńgege qosymsha 8 mlrd teńge bólindi.
Bul QR Prezıdentiniń tapsyrmasyn oryndaý aıasynda jáne Úkimettiń qoldaýymen uıymdastyrylýda. Jalpy elimiz boıynsha kóktemgi egis jáne egin jınaý jumystaryn qarjylandyrý 300 mlrd teńgege ulǵaıtylǵan. Fermerlerdi qarjylandyrýdyń jańa sharttary burynǵydan ózgeshe, bul mehanızm fermerler úshin birqatar mańyzdy máselen3 sheshedi.
Birinshiden, qaryz alýshylar jyldyq 5% deńgeıinde jeńildikti syıaqy mólsherlemesimen qamtamasyz etildi. Memlekettik sýbsıdııalaý qaǵıdalaryna ózgerister engizildi. Endi fermer qosymsha jumystarsyz arzandatylǵan mólsherlemeni alady. Ekinshiden, kepilmen qamtamasyz etý máselesin sheshý qarastyrylǵan. «Keń dala 2» baǵdarlamasy boıynsha fermerlerdiń qaryz somasynyń 85 %-y – «Damý» kásipkerlikti damytý qory kepildik beredi.
«Eger buǵan deıin nesıeler qysqa merzimge berilse jáne olardy 1 jeltoqsanǵa deıin óteý qajet bolsa, qazir qarjylandyrý orta merzimdi. Óteý merzimi ulǵaıtyldy. Búginde qaryzdardyń 50 % óteý 1 jeltoqsanǵa deıin, qalǵan 50 % – kelesi jyldyń 1 naýryzyna deıin júzege asyrylady. Bul fermerlerge egindi neǵurlym tıimdi baǵamen satýǵa múmkindik beredi», – dep túsindirdi Agrarlyq nesıe korporatsııasynyń óńirlik fılıalynan.
Keńes alý jáne nesıege ótinim berý úshin «Agrarlyq nesıe korporatsııasy» AQ óńirlik fılıalyna (Q.Muhamedhanov kóshesi, 23a) júginý qajet. Baılanys telefondary: 8-701-006-17-22, 8-701-006-17-23.