Abaı oblysyndaǵy bir aýylda tótenshe jaǵdaı jarııalandy

<p>Abaı oblysy Besqaraǵaı aýdany Jetijar aýylynyń turǵyny sibir jarasy aýrýyna shaldyqqan degen kúdikke ilindi. Naýqas PTR testinen ótti, qazirgi ýaqytta aýrý rastalmady, dep habarlaıdy QazAqparat.</p>

"Tótenshe jaǵdaılardyń aldyn alý jáne joıý jónindegi jospardan tys oblystyq komıssııanyń otyrysynda halyqtyń qaýipsizdigin qamtamasyz etý maqsatynda jergilikti aýqymda tabıǵı tótenshe jaǵdaı jarııalaý týraly sheshim qabyldandy.

Qazirgi tańda Jetijar aýylynyń kire berisine sanıtarlyq beket ornatylyp, aýyldan aýyl sharýashylyǵy ónimderin shyǵarýǵa ýaqytsha shekteý qoıyldy", - dep jazdy oblys ákimdiginen.

Sondaı-aq, jaǵdaıdyń sebepterin anyqtaý úshin aýdıtorlyq jumystar júrgizilip jatyr.

Esterińizge salsaq, sibir jarasy aýa tamshylary arqyly taralmaıdy. Jara aýrý maldyń eti, teri, júni nemene lastanǵan taǵamdar men aýyz sýdy iship-jeý arqyly juǵýy múmkin.

Ákimdik barlyq aýdan turǵyndaryn tek resmı aqparatqa senýge shaqyrdy.