Abaı oblysynda joldan kólik toqtatyp minip ketken áıeldiń denesi tabyldy

<p>SEMEI. KAZINFORM — Semeı mańynan bir apta buryn joǵalyp ketken 30 jastaǵy áıeldiń denesi tabyldy. Bul jaıynda jergilikti <a href="https://www.instagram.com/abainewskz/" target="_blank" rel="noopener" tabindex="0">abainewskz</a> habarlady. </p>

26 mamyr saǵat 10:00 shamasynda Borodýlıha aýdanyndaǵy Aýyl stansasynan kólik toqtatyp Semeı qalasyna qaraı attanyp ketken 30 jastaǵy Dınara Dosymbekovanyń denesi búgin tabyldy.

1 maýsym kúni keshke jaqyndary joǵalǵan áıeldi tabýǵa aqparattyq kómek surap portalǵa júgingen.

Al búgin belgili bolǵandaı, olar polıtsııaǵa 2 maýsymda ǵana habarlasqan eken.

«2 maýsymda 102 arnasyna Borodýlıha aýdandyq polıtsııa bólimine Aýyl stansasynyń 59 jastaǵy turǵyny habarlasyp, 26 mamyr kúni 1994 jyly týǵan qyzy Dınara Dosymbekovany tabýǵa kómek suraǵan. Polıtsııa qyzmetkerleri onyń júrgen jerin anyqtaý maqsatynda jedel-izdestirý sharalaryn júrgizip jatyr. Bul fakti boıynsha sotqa deıingi tergeý bastaldy», — dep habarlady Abaı oblysynyń polıtsııa departamenti LIDER eriktiler izdestirý qozǵalysynan qaıǵyly habar kelmeı turyp.

Keıin polıtsııa departamentiniń baspasóz qyzmeti ólimniń sebebi anyqtalyp jatqanyn jetkizdi.