Abaı oblysynda jol apatynan polıtseı mert boldy

<p>SEMEI. KAZINFORM &ndash; Abaı oblysynda jol apatynan polıtsııa qyzmetkeri kóz jumdy.</p>

Oblystyq polıtsııa departamenti baspasóz qyzmetiniń málimetine súıensek, jol-kólik oqıǵasy 18 qazanda respýblıkalyq mańyzy bar «Omby-Maıqapshaǵaı» tasjolynda bolǵan.

«Úsh kólik soqtyǵysty. Saldarynan 3 adam qaza boldy. Onyń ishinde Semeı qalasynyń polıtsııa aǵa serjanty Ashat Ahatov bar», - delingen aqparatta.

Atalǵan fakti boıynsha sotqa deıingi tergeý amaldary bastaldy. Barlyq mán-jaı anyqtalyp jatyr.

«Polıtsııa departamenti marqumdardyń týystary men jaqyndaryna kóńil aıtady. Eske salsaq, kóz jumǵan polıtseı bıylǵy naýryz aıynda qylmyskerden pyshaq jaraqatyn alyp, qyzdy batyldyqpen qutqaryp qalǵan», - delingen habarlamada.

Eske salsaq, osyǵan deıin Abaı oblysynda ımam kólikpen qaǵyp ketken 11 jastaǵy qyz qaza bolǵany habarlanǵan.