Abaı oblysynda Joǵary IT jáne robototehnıka kolledji ashylady

<p>SEMEI. KAZINFORM &ndash; Abaı oblysynda IT salasy qarqyndy damyp keledi. Buǵan jas mamandar, stýdentter men mektep oqýshylarynyń ázirlegen jańa tsıfrlyq jobalary men qosymshalary dálel bolyp otyr. Aımaq basshysy Nurlan Uranhaev Abaı oblysynda ashylatyn Joǵary IT jáne robototehnıka kolledjiniń jobasymen tanysyp qaıtty.&nbsp;</p>

Ol óz kezeginde kolledj sapaly IT-mamandar daıarlaıtyn orynǵa aınalýy tıis ekenin, sondyqtan barlyq qajetti jaǵdaı jasalynýy kerek ekenin atap ótti. 

«Olardyń ónertabystary qazirgi zamanǵa saı ári búkil respýblıka boıynsha keńinen taraldy. Osy bastamalardy odan ary damytyp, qoldaý úshin Semeıde Joǵary IT jáne robotehnıka kolledjin ashý josparlanýda. Kolledj Zataevıch kóshesi, 4 mekenjaıynda ornalasady», - dep habarlady oblys ákimdiginiń baspasóz qyzmeti.

Foto: Abaı oblysy ákimdigi

Qazirgi ýaqytta daıyndyq jumystary tolyq aıaqtaldy. Jaqyn arada qurylys bastalady. 

«Búginde ǵımaratta energııany únemdeý jáne jylytý júıelerin ornatý jumystary júrgizildi. Endi ǵımarattyń shatyry men qasbetin jóndeý, oqý korpýsynyń ishki árleýi, jylytý jáne jaryqtandyrýdyń «aqyldy júıelerin» engizý, jedelsaty ornatý josparda bar. Sonymen qatar kolledj bazasynda ınteraktıvti murajaı qurylyp, garderob tolyǵymen robottandyrylady. Aımaq basshysy jumys qarqynyn báseńdetpeı, barlyq jumystar merziminde aıaqtalýy tıis ekendigin atap ótti. Osyǵan baılanysty jumysty jedeldetýdi jáne merdiger uıymdarmen aradaǵy sharttardy jasasýdy tapsyrdy», - delingen aqparatta.