Abaı oblysynda Jeńis kúninde máńgilik alaýǵa gúl shoqtary qoıyldy

<p>SEMEI. KAZINFORM &ndash; Jeńis kúni &ndash; Uly Otan soǵysy jyldaryndaǵy halqymyzdyń batyrlyǵy men qaısarlyǵyn eske alatyn aıtýly mereke. Búgingi jeńis kúnin Abaı oblysynda 5 ardager, 2 164 tyl eńbekkeri qarsy aldy.</p>

Jeńistiń 79 jyldyǵy Uly Otan soǵysynyń batyrlaryna arnalǵan memorıal saıabaqtaǵy is-sharadan bastaldy. Bul jerde eli úshin janyn qurban etken sarbazdar rýhyna taǵzym etilip, Máńgilik alaýǵa gúl shoqtary qoıyldy.

Sharaǵa oblys ákimi Nurlan Uranhaev, máslıhat tóraǵasy, ardagerler, tyl eńbekkerleri, zapastaǵy áskerı qyzmetshiler, «Shyǵys» ÓÁQ ofıtserleri, oqýshylar men qala turǵyndary qatysty.

Foto: Abaı oblysynyń ákimdigi

«Elimiz úshin qasterli mereke - Uly Jeńis kúnimen barshańyzdy shyn júrekten quttyqtaımyn! Bul kún – janqııar erlik pen eńseli eldiktiń rýhy órlep, Jeńis jalaýy jelbiregen uly mereke. Halqymyz «El úmitin er aqtar, er ataǵyn el saqtar» dep, jerine qorǵan bolǵan azamattardy árqashan erekshe qurmetteıdi. Biz árqashan Otan úshin ot keshken batyrlar men bozdaqtardy ulyqtap, esimderin máńgi jadymyzda saqtaımyz! Eshkim de, eshqashan umytylmaıdy! Erlik Dańqy óshpeıdi!» - dedi oblys ákimi.

Foto: Abaı oblysynyń ákimdigi

Sondaı-aq, aımaq basshysy óz sózinde Jarma aýdanynyń týmasy Tóleýǵalı Ábdibekov pen Ábdiǵalı Qaımoldınniń eń joǵary marapat «Halyq qaharmany» ataǵyna ıe bolǵanyn atap ótti.

Máńgilik alaý basyna jınalǵandar maıdan dalasynan oralmaǵan bozdaqtardy bir mınýt únsizdikpen eske aldy. Birneshe myńdaǵan jerlesterimiz qolyna qarý alyp, elin qorǵady. Aralarynan has batyrlar shyqty. Keńes Odaǵynyń Batyry ataǵyna 52 adam laıyqty bolsa, 12-si Dańq ordeniniń tolyq kavaleri boldy.

Foto: Abaı oblysynyń ákimdigi

Іs-shara qalalyq Mádenıet úıi usynǵan kontserttik baǵdarlamamen jalǵasty. Sondaı-aq, alańda qonaqtarǵa maıdan ashanasynan soldat kashasy usynyldy.

Foto: Abaı oblysynyń ákimdigi