Semeıde jarys kezinde Ertis ózenine kólik qulap ketken

<p>ASTANA. KAZINFORM &mdash; Aldyn ala málimet boıynsha kólik ishinde tórt adam bolǵan, dep habarlaıdy Semeı qalasy Polıtsııa basqarmasy.</p>

2025 jylǵy 5 qańtarda saǵat 06:00–de Abaı oblysy Semeı qalasy Polkovnıchıı aralynda Búrkit uıasy mańynda jeńil avtokólik jardan qulap, Ertis ózenine túskeni týraly habarlama tústi.

— Aldyn ala málimetter boıynsha, kólik ishinde tórt adam bolǵan. Oqıǵa ornyna jedel túrde polıtsııa qyzmetkerleri men qutqarýshylar jiberildi. Qazirgi ýaqytta izdestirý-qutqarý jumystary júrgizilip, oqıǵanyń barlyq mán-jaıy anyqtalýda. Polıtsııa jol qozǵalysy qaýipsizdigin qamtamasyz etýdiń mańyzdylyǵyn eske salady jáne barlyq azamattardy mundaı qaıǵyly jaǵdaılardyń aldyn alý úshin jol qozǵalysy erejelerin qatań saqtaýǵa shaqyrady, — delingen habarlamada.

Eske salsaq, osyǵan deıin Shymkentte polıtsııany kóligimen qaǵyp, qashyp ketken júrgizýshige qylmystyq is qozǵalǵany málim boldy.