Abaı oblysynda jańa JES qashan salynady

<p>Abaı oblysynda jańa jylý elektr stantsııasy salynady, dep habarlaıdy <a href="https://kaz.inform.kz/" target="_blank" rel="noopener">QazAqparat </a>tilshisi.</p>

«Jańadan salynatyn jylý elektr stantsııasynyń qurylysy 2026 jyly bitý kerek. Qazir ol boıynsha tehnıkalyq negizdeme jasalynyp jatyr. Buryn bolǵan biraq ýaqyt ótkennen keıin oǵan ózgerister engizý kerek boldy. JES salýdy «Samuryq-Energo» kompanııasy tegin júzege asyryp jatyr», - dedi Abaı oblysynyń ákimi Nurlan Ýranhaev Jibek Joly telearnasynyń efırindegi Erbolat Muhamedjannyń «Ýáde» baǵdarlamasynda.

Ákimniń aıtýynsha, jylý elektr stantsııasy memleket qarajatyna salynbaıdy.

«Biraq JES ákimdiktiń balansynda bolady. Stantsııanyń elektro qýaty 360 mgb. Jalpy jylý maýsymyna daıynbyz. Bıyl ol 15 qazannan bastalady», - deıdi ol.

Buǵan deıin Abaı oblysynyń ákimi bıylǵy bıýdjet týraly sóz etken edi. 

Odan bólek, N. Ýranhaev Alakólde bıyl týrızmnen 1 mlrd teńge salyq túsetindigi týraly málim etti.

Sondaı-aq, óńir basshysy Semeı qalasynyń bas jospary ázirlenip jatqanyn aıtty.