Abaı oblysynda zańsyz júrgen eki sheteldik azamat elden shyǵaryldy

<p>SEMEI. KAZINFORM &mdash; Abaı oblysynda kóshi-qon zańnamasyn buzǵan eki sheteldik elden shyǵaryldy. Bul týraly Polisia.kz. saıty jazdy.&nbsp;</p>

«Abaı oblysy aýmaǵynda turatyn sheteldikterge tıisti kóshi-qon baqylaýyn qamtamasyz etý maqsatynda «Quqyqtyq tártip» JPІSh barysynda bólimshe qyzmetkerleri ýaqytsha jáne turaqty turatyn sheteldik azamattardyń tirkelgen mekenjaılary, sondaı-aq qabyldaýshy tulǵalardyń shetelden kelgen qonaqtary týraly habarlamalarynyń bolýyn tekserý boıynsha jumystar júrgizip jatyr», — delingen habarlamada.  

Kýrchatov qalasy aýmaǵynda zańsyz júrgen Tájikstan Respýblıkasynyń eki azamaty anyqtaldy. Belgili bolǵandaı, sheteldikter 2023 jyldyń tamyz aıynda kelgen. Elde júrýge ruqsat berilgen merzimi aıaqtalsa da, Qazaqstan Respýblıkasynyń aýmaǵynan ketýden jaltarǵan.

Qazirgi ýaqytta bul zań buzýshylyq úshin sheteldikter ákimshilik jaýapkershilikke tartylyp, sot sheshimimen memleket aýmaǵynan shyǵaryldy. Endi quqyq buzýshylar bes jyldan keıin ǵana Qazaqstanǵa orala alady.