Abaı oblysynda zańsyz júrgen 20 sheteldik elden shyǵaryldy
Óńir aýmaǵyna zańsyz kelgen jáne turatyn sheteldik azamattardy anyqtaý, kóshi-qon zańnamasyn buzýshylyqtyń jolyn kesý maqsatynda tártip saqshylary «Mıgrant» jedel aldyn alý sharasyn júrgizdi.
Sonyń barysynda zań talaptaryn buzǵan 227 sheteldik anyqtaldy. Onyń ishinde 20 adam sot sheshimi boıynsha elden shyǵaryldy.
«Sheteldik jumys kúshin tartý qaǵıdalaryn buzǵany jáne sheteldik azamattardyń eńbek kyzmetin zańsyz júzege asyrǵany úshin 25 oblys turǵyny ákimshilik jaýapkershilikke tartyldy. Sondaı-ak quzyrly organdarǵa sheteldikterdiń kelgeni týraly habarlamaǵany úshin 130 azamatqa aıyppul salyndy», - dep habarlady Abaı oblystyq PD baspasóz qyzmeti.
Aımaq polıtseıleri zańsyz kóshi-qon arnasyn da anyqtady. Kóshi-qon salasyndaǵy zańsyz áreketterdi uıymdastyrǵany úshin 1 oblys turǵyny QR QK 395-baby 1-bóligi boıynsha qylmystyq jaýapkershilikke tartyldy.