Abaı oblysynda tasjolda adam qaǵyp, qashyp ketken kólik júrgizýshisi ustaldy

<p>Abaı oblysy Aıagóz aýdanynda tasjolda adam qaǵyp, qashyp ketken kólik júrgizýshisi ustaldy, dep habarlaıdy <a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener">Kazinform</a>.&nbsp;</p>

Aıagóz aýdanynyń 56 jastaǵy turǵynyn kólik qaǵyp ketken. Kólik júrgizýshisi birden sol jerden boı tasalaǵan.

«Er adam túrli dene jaraqattarymen aýrýhanaǵa jetkizildi. Ol 6 qarasha kúni saǵat 21.00 shamasynda eldi mekenniń janyndaǵy «Qaraǵandy-Aıagóz-Buǵaz» tasjolynda belgisiz júrgizýshiniń ózin qaqqanyn, sodan keıin medıtsınalyq kómek kórsetpeı, oqıǵa ornynan qashyp ketkenin jetkizdi. Dárigerler polıtseılerge habarlasqannan keıin Aıagóz aýdanynyń tártip saqshylary jedel-izdestirý sharalaryn qolǵa aldy», - dep habarlady Abaı oblystyq Polıtsııa departamentinen.

Kóp uzamaı kameralar arqyly kúdikti ustaldy. Ol «Toyota» markaly kóliktiń 33 jastaǵy júrgizýshisi. Qazirgi ýaqytta tergeý amaldary júrgizilýde.