Abaı oblysynda aqyn Shákárim Qudaıberdiulyna eskertkish qoıyldy

<p>SEMEI. KAZINFORM - Semeıde oıshyl, aqyn Shákárim Qudaıberdiulynyń eskertkishi ashyldy.</p>

Shákárim Qudaıberdiulyna arnalǵan eskertkishtiń uzyndyǵy tuǵyrymen qosa alǵanda 7,7 metr. Músindik kompozıtsııa qoladan quıylyp, tuǵyry tutas granıtten jasalǵan. 

Foto: Abaı oblysy ákimdigi

Eskertkish avtory – Nurbol Qalıev. Músinshi Shákárimniń danyshpan beınesin oń qolyna kitap, sol qolyna tasbıh ustatý arqyly beınelep kórsetti. Óner týyndysy Shákárim dańǵyly men Qabanbaı batyr kóshesiniń qıylysyna qoıyldy.

- Eskertkishtiń ashylýyna oraı Qazaqstan Prezıdenti Qasym-Jomart Toqaev quttyqtaý hat joldady. Hatty saltanatty sharada oblys ákimi Nurlan Uranhaev oqyp berdi. Shákárim Qudaıberdiulynyń ádebı murasy asa baı. Ol poezııa, proza, aýdarma, tarıh salasynda jumys istep, Abaı dástúrinde demokrattyq-halyqtyq, gýmanıstik-halyqtyq baǵyt ustanǵan. Onyń shyǵarmashylyǵy qazaq ádebıetinde Abaı ıdeıalaryn jalǵastyrýshy realıstik dástúrdi qalyptastyrdy. Onyń murasynyń tek qazaq halqy úshin ǵana emes, búkil túrki jáne shyǵys mádenıeti úshin mańyzy zor, - dep habarlady Abaı oblysy ákimdiginen.

Eskertkishtiń ashylý saltanaty Táýelsizdik kúnimen oraılastyrylyp otyr.

Eske salsaq, osyǵan deıin Abaı oblysyndaǵy 127 aýyl mektebi Starlink ınternetine qosylǵany habarlanǵan.