Abaı oblysynda shahtada topyraq basyp qalǵan jumysshy kóz jumdy

<p>SEMEI. KAZINFORM — Abaı oblysyndaǵy Orlov shahtasynda qaıǵyly jaǵdaı boldy. Bul aıynda KAZ Minerals kompanııalar toby habarlady.</p>

19 qyrkúıek shamamen saǵat 14:20-da Orlov shahtasynda kásiporynnyń eki qyzmetkeri jaraqat alǵan. 

Aldyn ala sebebi — taý-ken massasynyń opyrylýy.

Onyń biri alǵan jaraqatynan aýrýhanada qaıtys boldy.

Ekinshi qyzmetker medıtsınalyq kómek kórsetilgennen keıin úıine qaıtty.

«Oqıǵanyń mán-jaıy men sebepteri anyqtalyp jatyr. Qaıǵyly jaǵdaıdy tergeý boıynsha arnaıy komıssııa quryldy. KAZ Minerals toby dırektorlar keńesiniń tóraǵasy Oleg Novachýk jazataıym oqıǵany tergeýge qatysý úshin óńirge bardy. Uıym basshylyǵy men ujymy marqumnyń týystary men jaqyndaryna qaıǵyra kóńil aıtady. Kompanııa qaza bolǵan qyzmetkerdiń otbasyna jan-jaqty kómek kórsetedi» deıdi kompanııadan.

KAZ Minerals Limited – Qazaqstanda mys, myrysh, altyn jáne kúmis óndiretin zamanaýı kompanııa.

Onyń Qazaqstan men Qyrǵyzstandaǵy óndiris oryndarynda shamamen 14 myń adam jumys isteıdi.