Aýa raıynyń qolaısyzdyǵyna baılanysty oblystyń avtojoldarynda kúrdeli jaǵdaı týyndady. Polıtsııa beketteri qoıyldy, polıtseıler men jol qyzmetteri táýlik boıy kezekshilik uıymdastyrdy. Kólik qozǵalysy shekteldi, osyǵan baılanysty keıbir ýchaskelerde keptelis týyndady.
Omby - Maıqapshaǵaı tasjolynda polıtsııa men arnaıy tehnıka qyzmetkerleriniń súıemeldeýimen oblys ortalyǵy baǵytyna shyǵý úshin birjolǵy ruqsattama kútip, avtokólik baǵanasy birneshe shaqyrymǵa sozyldy. 500-den astam júrgizýshi ruqsatty kútti, onyń 232 júk kóligi bolsa, 338-i - jeńil avtokólik.
Polıtseıler júrgizýshilerge kómektesip, olarǵa ystyq shaı usyndy. Tártip saqshylary kolonnadaǵy júrgizýshilerdi aınalyp ótip, sýsyn taratty.
Birneshe saǵattan keıin kolonna Semeı qalasyna aman-esen jetti.