18:45, 05 Jeltoqsan 2024

Abaı oblysynda kúzgi jıyn-terin oıdaǵydaı aıaqtaldy

2024 jyly oblysta aýyl sharýashylyǵy daqyldarynyń egin jınaý alańy 749,5 myń gektardy qurady. Onyń ishinde dándi daqyldar 299,0 myń ga, maıly daqyldar 295,8 myń ga, kartop 5,8 myń ga, kókónister 5,4 myń ga, al jemshóp daqyldary 143,5 myń gektar alqapqa egildi.

Kollaj: Kazinform

Bul týraly ákimdikte ótken keńeıtilgen apparattyq jıynda Aýyl sharýashylyǵy basqarmasynyń basshysy Ertaı Qýanbaev aıtty.

Búgingi tańda oblysta astyq jınaý tolyq aıaqtaldy. Ortasha ónimdiligi 15,0 ts/ga bolatyn 449,7 myń tonna astyq bastyryldy. 444,8 myń tonnadan astam maıly daqyl, 134,2 myń tonna kartop, 128,4 myń tonna kókónis jınaldy.

5,8 myń ga alqaptan kartop 229,8 ts/ga jınalyp, nátıjesinde 134,2 myń tonna ónim alyndy. Kókónisterdi jınaý da aıaqtaldy.

Egin orý jumysyna 4 myń traktor, 2,4 myń kombaın jáne 700 oraq tartyldy. Aýyl sharýashylyǵy tehnıkasynyń úzdiksiz jumys isteýi úshin lıtrine 250 teńge baǵamen 15,3 myń tonna jeńildetilgen dızel otyny bólindi.

Abaı oblysy Astyq Egin Semeı

Baqytgúl Abaıqyzy

E.A. Bóketov atyndaǵy Qaraǵandy memlekettik ýnıversıtetiniń túlegi. L.N. Gýmelev atyndaǵy Eýrazııa Ulttyq Ýnıversıtetiniń magıstri. "Aqparat salasynyń úzdigi" salalyq tósbelgi ıegeri (2018 j.)