Abaı oblysynda qutqarýshylar adasyp ketken malshyny tapty

<p>ASTANA. KAZINFORM &mdash; TJM Abaı oblysynda qutqarýshylar adasyp ketken malshyny tapqanyn habarlady.</p>

- Búgin túnde 112 pýltine keshe tańerteń Jarma aýdanynda «Qaratoǵan» sharýa qojalyǵynan mal baǵýǵa shyqqan 1981 jyly týǵan er adamnyń joǵalyp ketkeni týraly habarlama kelip tústi.

TJM qutqarýshylary joǵalǵan malshyny taýyp, týystaryna jetkizdi. Er adam zardap shekken joq, - dep málimdedi vedomstvodan.

TJM daýyldy eskertýlerge nazar aýdaryp, aýa raıy nasharlaǵan jaǵdaıda eldi mekennen tys jerge jolǵa shyqpaýǵa keńes beredi.

Aıta keteıik, Abaı oblysynda «gastroldik kvartet» atanǵan páter urylary ustalǵan bolatyn.