Abaı oblysynda karantınge jabylǵan aýyldyń turǵynynan sibir jarasy tabylǵan joq

<p><span style="font-family: sans-serif; font-size: 18px;">Abaı oblysy Besqaraǵaı aýdanyndaǵy tótenshe jaǵdaı jarııalanǵan Jetijar aýylynyń turǵynynan sibir jarasy anyqtalǵan joq, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.</span></p>

Oblys ákimdiginiń málimetine súıensek, aýyl turǵyny tapsyrǵan PTR nátıjesinde sibir jarasy anyqtalmaǵan.

«Qazirgi tańda Besqaraǵaı aýdany Jetijar aýylynyń turǵyny em qabyldaýyn jalǵastyryp jatyr. Naýqastyń jaǵdaıy turaqty, dene qyzýy qalypty», - delingen aqparatta.

Jetijar aýylynda mindetti túrde termometrııa júrgizilip, kún saıyn barlyq mal basy klınıkalyq túrde tekserilip jatyr. Búginde tórt túlikten eshqandaı aýrý anyqtalǵan joq.

«Besqaraǵaı-vet» memlekettik kásipornynyń mamandary zalalsyzdandyrý jumystaryn jalǵastyryp jatyr.

Eske salsaq, osyǵan deıin Abaı oblysyndaǵy bir aýylda tótenshe jaǵdaı jarııalanǵany habarlanǵan.

Jetijar aýylynyń turǵyny sibir jarasy aýrýyna shaldyqqan degen kúdikke ilingen.

Aýyldyń kire berisine sanıtarlyq beket ornatylyp, aýyldan aýyl sharýashylyǵy ónimderin shyǵarýǵa ýaqytsha shekteý qoıyldy.