Abaı oblysynda ıesiz ıt-mysyqtarǵa arnalǵan ortalyq ashyldy

<p>Semeıde &laquo;4 lapy&raquo; qorynyń janýarlarǵa arnalǵan jańa ǵımaraty ashyldy. Ashylý saltanatyna Abaı oblysynyń ákimi Nurlan Uranhaev, eriktiler, zooqorǵaýshylar, veterınarlar men qala turǵyndary qatysty, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

Oblys ákimdiginiń málimetine súıensek, ortalyq ǵımaraty 350 sharshy metr aýmaqty alyp jatyr.

Jańa ortalyq úı janýarlaryn kútip-ustaýǵa qajetti barlyq qural-jabdyqtarmen, arnaıy oryndarmen tolyq qamtylǵan. Nysanda ıt-mysyqtarǵa ota jasaıtyn bólme, olardy ustaıtyn arnaıy oryndar jáne jalpy aýdany 150 sharshy metrlik voler bar.

Foto: Abaı oblysy ákimdiginen

«Jańa ǵımarattyń qurylysy eki jylǵa sozyldy. Bizge oblystyń jergilikti turǵyndarynan bólek, eýropalyq qor, Frantsııa, Germanııa jáne Ispanııanyń qaıyrymdylyq uıymdary qarjylaı qoldaý kórsetti. Jobany iske asyrý barysynda, ásirese demeýshilerdi tabýǵa oblys jáne qala ákimi kóp kómektesti. Men óte baqyttymyn, osy ıesiz ıt-mysyqtar máselesin sheshý baǵytynda 8 jyl eńbegimniń jemisin kórdim», - deıdi qor basshysy Anastasııa Glıadıntseva.

Foto: Abaı oblysy ákimdiginen

Aıta keteıik, ortalyq buralqy ıt-mysyqtardy zararsyzdandyrý jáne saýyqtyrý maqsatynda mańyzdy ról atqarmaq. Munda úı janýarlaryn emdep qana qoımaı, olardy jańa erejege saı sáıkestendirý úshin chıpteý protsedýrasy júrgiziledi.

Jańa ortalyq Semeı qalasy, Lesnaıa kóshesi, 50/2 mekenjaıynda ornalasqan.

Foto: Abaı oblysy ákimdiginen