Abaı oblysynda halyq ártisi Bıbigúl Tólegenovaǵa qurmet kórsetildi

<p>SEMEI. KAZINFORM &ndash; Abaı oblysynda Qazaqstannyń halyq ártisi, KSRO halyq ártisi, Abaı oblysynyń Qurmetti azamaty, ánshi Bıbigúl Tólegenovanyń 95 jyldyǵyna arnalǵan &laquo;Qazaqtyń Bıbigúli &ndash; halyqtyń bulbul úni&raquo; atty kontsert ótti. Bul týraly oblystyq ákimdiktiń baspasóz qyzmeti málim etti.</p>

Án keshinde otandyq jáne sheteldik kompozıtorlardyń operalarynan arııalar, halyq ánderi, romanstar, orkestrlik shyǵarmalar oryndaldy.

Kontsertte Ámire Qashaýbaev atyndaǵy Memlekettik fılarmonııa janyndaǵy «Bıbigúl» qazaq halyq aspaptar orkestri, mádenıet salasynyń úzdigi Nurbek Ómirbekov, respýblıkalyq konkýrstardyń laýreaty, Ámire Qashaýbaev atyndaǵy Memlekettik fılarmonııanyń ánshisi Áıgerim Toqtybaeva, respýblıkalyq konkýrstardyń laýreaty, Abaı oblysy ákiminiń estradalyq-sımfonııalyq orkestriniń solısi Áıgerim Áshirova óner kórsetti.

Sondaı-aq, kesh qonaqtarynyń qatarynda Qazaqstannyń eńbek sińirgen ártisi Maıra Ilıasova, Qazaqstannyń eńbek sińirgen qaıratkeri Tolqyn Zabırova, Qazaqstannyń eńbek sińirgen qaıratkerleri Azamat Jyltyrkózov, Jupar Ǵabdýllına, Bıbigúl Tólegenovanyń Halyqaralyq vokalıster baıqaýynyń jeńimpazy Nurjan Bajekenov syndy óner sańlaqtary boldy.

«Búgin rýhanııattyń ordasy Semeı qalasynda erekshe kún. Qazaqtyń shoq juldyzy, álemge áıgili soprano daýysynyń ıesi Bıbigúl Ahmetqyzy Tólegenovanyń mereıtoıyna arnalǵan merekelik kontsertke jınalyp otyrmyz. Asa qadirli Bıbigúl Ahmetqyzy Ǵajaıyp daýsyńyzben qazaq án ónerin bıikke kóterip, ulttyq mádenıetimizdiń asyl murasyn álemge tanytýda qosqan úlesińiz elden eren. Sizge myqty densaýlyq, baıandy ǵumyr tileımiz. Aldaǵy ýaqytta da ónerińizden nár alyp, jastarymyz sizdiń eńbek jolyńyzdy úlgi etedi dep senemiz», — dedi óz quttyqtaýynda oblys ákimi Nurlan Uranhaev.

Qazaq dalasyn óz ánderimen terbetken Bıbigúl Ahmetqyzy – halyqtyń naǵyz súıiktisi. ıÝNESKO uıymy jerlesimizdi HH ǵasyrdyń kórnekti áıelderiniń tizimine engizdi. Tanymal talant ıesi 1929 jyly 16 jeltoqsanda Semeı qalasynda dúnıege kelgen. Almaty memlekettik konservatorııasyn (Qurmanǵazy atyndaǵy Qazaq ulttyq konservatorııasyn) bitirgen.

Kesh barysynda mereıtoı ıesi jaıly estelikter aıtyldy. Týǵan jeriniń sheksiz mahabbaty men ystyq yqylasyna bólengen Bıbigúl Ahmetqyzy júrekjardy alǵysyn bildirip, analyq batasyn berdi.