Abaı oblysynda depo basshysy men mashınıst 3 myń tonnadan astam janarmaı urlaǵan

<p>SEMEI. KAZINFORM &ndash; Jergilikti lokomotıv deposynyń bastyǵy A.Smaǵulov pen jylý mashınısi M.Meıramǵazın 2022 jyldyń qańtar-sáýir aılary aralyǵynda buryn ázirlengen shema boıynsha tutyný kólemin jasandy túrde ulǵaıtyp, 920 mln teńgege dızel otynyn zańsyz ıemdengen.</p>

«Sotta memlekettik aıyptaýshy sottalǵandardyń óz baıandamalarynda qatty jel sııaqty oıdan shyǵarylǵan qatal aýa raıy jaǵdaılaryn júıeli túrde kórsetkenin dáleldedi. Lokomotıvterdi paıdalaný kezinde dızeldik otyn shyǵynynyń ulǵaıý sebebin túsindirý úshin olar osylaısha 3 myń tonnadan astam janarmaıdy ıemdenip úlgerdi. Qylmystyq shemanyń áshkerelenýi Abaı oblysy boıynsha QMA jumysynyń arqasynda múmkin boldy», — dep jazdy Bas kólik prokýratýrasynan.

Sot nátıjesinde depo basshysy Smaǵulov 8 jylǵa, mashınıst Meıramǵazın 7 jylǵa bas bostandyǵynan aıyryldy, ekeýi de materıaldyq-jaýapty qyzmet atqarý quqyǵynan aıyryldy.

Joǵaryda atalǵan zalal sottalǵandardan óndiriledi.

Úkim zańdy kúshine endi.