Abaı oblysynda bıyl qandaı joldardyń qurylysy aıaqtalady
Baspasóz qyzmetiniń málimetterine qaraǵanda, oblys turǵyndary respýblıkalyq mańyzy bar joldardyń qurylysy men jaı-kúıi, temirjol salasy, kóliktik ınspektsııa qyzmetkerleriniń eńbegi jáne avtoparkterdiń jumysy týraly birqatar suraq qoıdy.
Marat Qarabaev jalpy uzyndyǵy 768 shaqyrymdy quraıtyn «Taldyqorǵan-Qalbataý-Óskemen» tasjolynyń qurylysy bıyl aıaqtalatynyn aıtty. Asfalt tóseý jumystary aıaqtaldy, qazirgi tańda kópirler men jol ótpelerindegi qurylys jumystary jalǵasýda.
Máselen, Jetisý óńirinen Aıagóz qalasyna deıin asfalt tóseý jumystary tolyq aıaqtaldy. Aıagóz qalasynyń aınalma jolyndaǵy úlken jeti aralyqty kópirdiń qurylysy aıaqtalýǵa jaqyn jáne jolaıryǵynyń qurylysy tolyq aıaqtaldy. Sondaı-aq, Jańǵyztóbe stantsııasynyń aýdanynda temir jol arqyly ótetin jol ótpesin salý jumystary júrgizilýde. Qalbataý kentine jaqyndaǵanda Shash ózeni arqyly ótetin kópirdi qaıta jańartý jumystary aıaqtalýda.
Al 415 shaqyrymdy quraıtyn «Qalbataý-Maıqapshaǵaı» kúre jolynyń qurylysy kelesi 2025 jyly aıaqtalmaq. Alaıda bıyl atalmysh joldyń Abaı oblysyna qarasty 140 shaqyrymdyq «Qalbataý-Kókpekti-Tassaı» kúre jol ýchaskesinde qozǵalys ashylady. Bıyl mamandar asfalt tósep, jóndeý jumystaryn júrgizdi.
Sondaı-aq, Marat Qarabaev «Semeı-Óskemen» avtojolymen júrip ótti. Jalpy uzyndyǵy 200 shaqyrymǵa jýyq avtojol ortasha jóndeý jumystarymen qamtylǵan. Mamandar joldyń birqatar ýchaskesin jóndep jatyr, qalǵandaryn 2025-2026 jyldar aralyǵynda jóndeý jumystarymen qamtıdy.