Abaı oblysynda bıyl 660 adam ınternet alaıaqtardyń arbaýyna ilikken

<p>SEMEI. KAZINFORM &ndash; Abaı oblysynda jyl basynan beri ınternet alaıaqtardan 660 adam zardap shekti.</p>

Internettegi alaıaqtardyń tuzaǵyna túskenderdiń aqshasyn qaıtarý ońaı sharýa emes. Bıyl óńir boıynsha aldanyp qalǵan halyqtyń tek 10 paıyzyna qarajattary qaıtarylǵan.

«Jyl basynan beri Abaı oblysynda 660 ınternet-alaıaqtyq faktisi tirkeldi. Quqyq qorǵaý organdarynyń qabyldaǵan sharalarynyń nátıjesinde 60-tan astam adamnyń aqshasy qaıtaryldy. Naqty aıtqanda, 11 mln teńge. Buǵan dropperlerden qaıtarylǵan qarajattar kirmeıdi», - dep habarlady oblystyq polıtsııa departamentinen.

Polıtsııaǵa ýaqytyly habarlasý aqshany qaıtarýda sheshýshi ról atqarady.

«Jábirlenýshi bizge neǵurlym tez júginse, shotqa jiberilgen qarajatty buǵattaý jáne ony ıesine qaıtarý múmkindigi soǵurlym joǵary bolady», - deıdi departament bastyǵy Bektóre Sultan.

Eske salsaq, osyǵan deıin Jambylda prokýratýra qyzmetkeri alaıaqtyq jasady dep ustalǵany habarlanǵan.