Abaı oblysynda bıyl 101 áleýmettik nysannyń qurylysy bastaldy

<p>SEMEI. KAZINFORM &ndash; Jyl basynan beri óńir boıynsha 101 áleýmettik nysannyń qurylysy bastalǵan. Onyń ishinde bilim berý salasynda &ndash; 16, densaýlyq saqtaý salasynda &ndash; 67, sportta &ndash; 9, mádenıette &ndash; 2,&nbsp;áleýmettik qamsyzdandyrýda 1 nysan bar. Bul týraly áleýmettik-ekonomıkalyq damý máseleleri jónindegi keńeıtilgen otyrysta oblys ákiminiń orynbasary Dımıtrıı Garıkov atap ótti.&nbsp;</p>

«Jaıly mektep» Ulttyq pılottyq jobasy aıasynda alty mekteptiń qurylysy bastaldy. Atap aıtqanda, Semeı qalasynyń Aqsaı kentinde 600 oryndyq, Vostochnyı kentinde 300 oryndyq, Qaraǵaıly shaǵyn aýdanynda 900 oryndyq, Aıagóz aýdanynyń Aqtoǵaı kentinde 300 oryndyq, Aqsýat aýdany Ekpin aýylynda 300 oryndyq jáne Jarma aýdany Qalbataý aýylynda 300 oryndyq. «Aýyldyq densaýlyq saqtaýdy jańǵyrtý» Ulttyq jobasy sheńberinde 64 alǵashqy medıtsınalyq-sanıtarlyq kómek nysany, Aıagóz aýdanynyń aýdandyq aýrýhanasyna arnalǵan reanımatsııalyq bólimshe, Maqanshy aýylynda qurylysy aıaqtalmaǵan dárigerlik ambýlatorııa ǵımaratyn salý jáne rekonstrýktsııalaý jumystary júzege asyrylýda», - deıdi ol.

Kýrchatov qalasyndaǵy dene shynyqtyrý-saýyqtyrý keshenin, Shar qalasyndaǵy jáne Besqaraǵaı aýylyndaǵy júzý basseınin, Borodýlıha aýdany Petropavlovka aýylyndaǵy sport-demalys ortalyǵyn jáne Jarma aýdany Qalbataý aýylyndaǵy stadıondy qosa alǵanda bes sport nysanynyń qurylysy bastaý aldy.

Budan bólek, Borodýlıha aýdany Kamyshenka aýylynda aýyldyq klýb qurylysy júrgizilip jatyr.