Abaı oblysynda balasyna alıment tólemegen 30 ata-ana kóshe sypyryp, qar kúrep júr

<p>SEMEI. KAZINFORM - Abaı oblysy polıtsııa departamenti bir jylda 36 boryshkerdi qylmystyq jaýapkershilikke tartty. Olar Qylmys kodeksiniń 139-baby (balalardy asyraýǵa qarajat tóleý mindetin oryndamaý) boıynsha jazalanǵan.&nbsp;</p>

Onyń 30-na bas bostandyǵyn shekteý túrindegi jaza taǵaıyndalyp, jazany óteýdiń búkil merzimi ishinde májbúrli eńbekke tartyla otyryp, aıyptaý úkimi shyǵaryldy.

Qalǵandarynyń isi taraptardyń tatýlasýyna baılanysty toqtatyldy, óıtkeni boryshkerler alıment bereshegin tóledi.

«Alıment tóleýdiń negizgi qozǵaýshy kúshi — qylmystyq jaýapkershilikke tartý qaýpi emes, ata-ananyń ar-ujdany. Balalardy asyraýǵa qarajat tóleý mindetin oryndamaý — qylmys, ol úshin 2 jylǵa deıin bas bostandyǵynan aıyrý jazasy bar» dep eskertedi Abaı oblysy polıtsııa departamentinen.