Abaı oblysynda azamattardy jeke qabyldaý nátıjesi talqylandy

<p>SEMEI. KAZINFORM &ndash; Abaı oblysynda azamattardy jeke máseleleri boıynsha qabyldaý nátıjeleri talqylandy.</p>

Abaı oblysy ákimdiginiń málimetine súıensek, Kókpekti jáne Aqsýat aýdandary halyqpen kezdesý jáne jeke qabyldaý qorytyndysy boıynsha is-sharalar josparynyń oryndalýy boıynsha esebin usyndy.

«Kókpekti aýdanynda halyqpen kezdesýde kópqabatty úıler, sport keshenderin salý, qoǵamdyq kólik pen medıtsınalyq qyzmetterdi damytý máseleleri kóterildi. Jergilikti zeınetker respýblıkalyq mańyzy bar «Omby-Maıqapshaǵaı» avtomobıl jolyn jóndeý týraly ótinish jasaǵan bolatyn. «QazAvtoJol» UK AQ men «China Xingxing Corparation» JShS merdigeri arasyndaǵy kelisimshartqa sáıkes «Qalbataý-Maıqapshaǵaı» ýchaskesindegi 906-1321 shaqyrymyndaǵy qaıta jańǵyrtýdy «Qazstroıtehnık» JShS jáne «Semeı joldary» JShS qosalqy merdigerlik uıymdary júrgizedi. Jumysty 2024 jyly aıaqtaý josparlanýda», - delingen aqparatta.

Sondaı-aq qoǵam belsendisi «Dıplommen aýylǵa» baǵdarlamasy boıynsha turǵyn úı satyp alý úshin nesıeleý kólemin ulǵaıtý qajettigin aıtqan edi.

Foto: Abaı oblysy ákimdigi

Aldaǵy ýaqytta turǵyn úı satyp alý úshin nesıeleý mólsheri aýdan ortalyqtarynda 2500 AEK-ke deıin jáne aýyldarda 2000 AEK-ke deıin ulǵaıady.

«Al Aqsýat aýdanynyń turǵyndary ınfraqurylymdyq nysandardy salý men qaıta jańǵyrtýǵa, turǵyn úı ınspektsııasy, bilim berý men densaýlyq saqtaýǵa baılanysty birqatar problemany atap ótti. Qoǵam belsendileri «Qarǵyba» sý tospasy men «Jańa Toǵam» magıstraldy kanalyn kúrdeli jóndeý qajettigine nazar aýdardy. Sý tospasynyń jobalyq-smetalyq qujattamasyna ózgerister engizý boıynsha jumystar 80% oryndaldy. Merdiger - «Asyl-Stroı» JShS», - delingen habarlamada.

Jıyn barysynda oblys ákimi Nurlan Uranhaev óńir turǵyndarymen ózara is-qımyldyń mańyzyn atap ótti.

«Kóterilgen árbir másele jergilikti atqarýshy organdardyń baqylaýynda bolýy tıis. Biz ár turǵyndy muqııat tyńdap, olarǵa naqty jaýap berýimiz kerek. Bul «Halyq únine qulaq asatyn memleket» tujyrymdamasyna sáıkes keledi», - dedi ákim.

Jıyn sońynda aımaq basshysy aýdan ákimderine tıisti basqarma basshylarymen birlesip, turǵyndar máselesin sheshý joldaryn qarastyrýdy tapsyrdy.