Abaı oblysynda aýyl sharýashylyǵy ónimderiniń kólemi ulǵaıyp keledi
Óńir boıynsha agroónerkásiptik keshenniń barlyq salasyn odan ári damytý jáne aýyl sharýashylyǵy ónimderin óndirý men qaıta óńdeý kólemin ulǵaıtý jumystary júzege asyrylýda.
«Búgingi tańda et óndirisiniń kólemi 24 035,2 tonnaǵa jetti. Onyń ishinde sıyr eti (11 355 tonna), qoı eti (2 455,1 tonna), shoshqa eti (309,5 tonna), jylqy eti (3 641 tonna) jáne qus eti (6 005,1 tonna) bar. Sút óndirisi 137 866,5 tonna, al taýyq jumyrtqasy 16 174 myń dana boldy», - dep habarlady Abaı oblysy ákimdiginen.
Oblysta jalpy qýattylyǵy 16 614 basty quraıtyn 38 bordaqylaý alańy jumys isteıdi. Onyń ishinde qýattylyǵy 1 000 bas mal ornynan bastalatyn 11 ónerkásiptik bordaqylaý alańy bar (jalpy qýattylyǵy 22 myń bas).
«2024 jyldyń basynan bastap aımaq boıynsha bordaqylaý alańdarynyń júktemesi 38%-dy qurady. Oblystyń sút zaýyttaryn shıkizatpen qamtamasyz etý maqsatynda búginde 2 969 saýyndy sıyry bar 11 sút-taýar fermasy jáne halyqtan sút satyp alýǵa arnalǵan 7 sút qabyldaý pýnkti jumys isteıdi», - delingen aqparatta.