Abaı oblysynda alıment tóleýden jaltaryp júrgen ana bas bostandyǵynan aıyryldy

<p>ASTANA. KAZINFORM &ndash; Abaı oblysynyń Úrjar aýdanynda turatyn áıel balalaryna alıment tóleýden jaltaryp kelgen. Áıel ákimshilik jaýapqa tartylyp, zańdy jaza taǵaıyndaldy. Bul týraly Polisia.kz saıty jazdy.&nbsp;</p>

Úrjar aýdany boıynsha sot oryndaýshylar mundaı jaza alıment tólemeı júrgen basqa boryshkerlerge sabaq bolatyndyǵy jóninde aıtty.

Búginge deıin azamatshanyń balalary aldyndaǵy qaryzy 2,7 mln teńgeden asqan. Abaı oblysynyń kámeletke tolmaǵandar isteri jónindegi mamandandyrylǵan sotynyń úkimi boıynsha QR QK-niń 139-babymen bir jylǵa bas bostandyǵyn shekteý jazasy taǵaıyndalyp, QR QK-niń 44-baby 1 bóligimen jylyna 100 saǵat májbúrli eńbekke tartylǵan bolatyn. Alaıda, áıel sot úkimin oryndamaǵan. 

– Abaı oblysy boıynsha QAJD Úrjar aýdandyq №1 probatsııa qyzmetiniń esebine alynyp, tárbıe jumystary ótkizilgenine qaramastan azamatsha qorytyndy shyǵarmaǵan. Sot júktegen mindetterdi oryndamaı, qasaqana alıment tólemegen jáne jumysqa ornalasqysy kelmegen. Úrjar aýdandyq sot sheshimimen boryshker áıel sot zalynan bas bostandyǵyn shekteý jazasynyń ótelmegen bóligine bas bostandyǵynan aıyrý jazasyna sottaldy, – dep habarlaıdy probatsııa qyzmetiniń aǵa ınspektory Elmıra Mýkıtanova.