Abaı oblysynda agroónerkásiptik keshen salasynda jańa jobalar júzege asyrylmaq
Oblys ákimdiginiń málimetine súıensek, búginde óńir boıynsha aýyl sharýashylyǵy taýaryn óndirýshiler men qaıta óńdeý kásiporyndary 33,3 myń tonna sıyr etin, 14,3 myń tonna qus etin, 53,7 mln dana jumyrtqa, 168,6 myń tonna kartop, 21 myń tonna sábiz, 3 myń tonna pııaz, 23,3 myń tonna qyryqqabat, 103,3 myń tonna ósimdik maıy, 57,7 myń tonna un, 7,1 myń tonna nan jáne 2,5 myń tonna makaron ónimin óndirdi.
«Abaı oblysynda etti mal sharýashylyǵyn damytý maqsatynda barlyǵy 39 bordaqylaý alańy jumys isteıdi. Onyń 11-niń qýattylyǵy 22 myń basqa arnalǵan. Aımaqta jobalyq qýattylyǵy jylyna 18 myń tonna sút óńdeıtin 7 kásiporyn bar. Turǵyndardyń azyq-túlikke degen qajettiligin qamtamasyz etý maqsatynda agroónerkásiptik keshenniń barlyq salasyn damytý jáne aýyl sharýashylyǵy ónimderin óndirý men óńdeý kólemin ulǵaıtý baǵytynda tıisti sharalar qabyldanyp jatyr», - delingen aqparatta.
2023-2024 jyldary oblysta et kombınattaryn salý jobalary qarastyrylyp jatyr. Máselen, Semeı qalasynda jyldyq qýattylyǵy 12 600 tonna et óńdeıtin «Evrazııa Agro Semeı» JShS-niń qurylysyn bastaý josparlanǵan.
«Qazir atalǵan joba memlekettik saraptamadan ótip jatyr. Jobaǵa sáıkes qurylys jumysy 2025 jyly aıaqtalyp, paıdalanýǵa beriledi. Sonymen qatar 2024 jyly qýattylyǵy jylyna 600 tonna daıyn ónim shyǵaratyn «Yqylas Invest» JShS et konservi zaýytyn ashý kózdelgen», - delingen habarlamada.