Abaı oblysynda 3 myńǵa jýyq sýquzǵyndy atýǵa ruqsat berilmek
Oblys ákimdigi qorshaǵan ortany qorǵaý jónindegi 2023-2025 jyldarǵa arnalǵan is-sharalar jospary sheńberinde sýquzǵyndarynyń ósip kele jatqan popýlıatsııasyn retteý boıynsha jumys júrgizýde.
«Sońǵy ýaqytta Abaı oblysynda sany artyp kele jatqan sýquzǵyndar kúnine 5 tonnaǵa jýyq balyq tutynady. Eger jaǵdaı ózgerissiz qalsa, onda sý aıdyndarynyń bıologııalyq tepe-teńdigi men ıhtıologııalyq jaǵdaıyna eleýli zalal keltiriledi. Sondyqtan sýquzǵyn popýlıatsııasyn retteýdiń dereý tıimdi ádisteri qajet», - dep habarlady óńir ákimdiginen.
Sondaı-aq olardyń ósimdik janynda qaldyratyn nájisiniń kesirinen jasyl jelek óledi. Óıtkeni onda azottyń joǵary bolýy ósimdikter úshin asa zııandy.
«Osyǵan baılanysty, 2023 jyly oblystyń balyq sharýashylyǵy sý aıdyndarynda balyq ónimdiligin arttyrý maqsatynda sýquzǵyndarynyń sanyn retteýdiń bıologııalyq negizdemesin ázirleı otyryp, zertteý jumystary júrgizildi. Bıologııalyq negizdemege sáıkes, 2979 sýquzǵynda atý arqyly azaıtý usynylady. Bul qustyń jalpy sanynyń 20% quraıdy», - delingen aqparatta.
Endi Abaı oblysynyń Tabıǵı resýrstar jáne tabıǵat paıdalanýdy retteý basqarmasy sýquzǵyndarynyń sanyn qysqartý maqsatynda Ertis ózeni, Alakól jáne Sasyqkól aýmaǵynda qustardy atqyzý úshin memlekettik satyp alý portalynda konkýrs ótkizedi.