Abaı oblysynda 2 myń ıesiz ıt-mysyqqa arnalǵan ortalyq salynady

<p>SEMEI. KAZINFORM &ndash; Abaı oblysynda 2 myń ıesiz ıt-mysyqty ornalastyrýǵa bolatyn jańa ortalyq salý kózdelýde.&nbsp;</p>

Oblystyq veterınarııa basqarmasynyń málimetinshe, búginde Semeıde «4 lapy+» qoǵamdyq qorynyń bazasynda qańǵybas ıtter men mysyqtarǵa arnalǵan ǵımarat bar. Onda 200-ge jýyq ıt pen 50 mysyq ýaqytsha ustalady.

Budan bólek, qalada ıesiz júrgen 2000 ıt-mysyqty ornalastyrýǵa bolatyn ortalyq salý josparlanǵan. Qazirgi ýaqytta jobalyq-smetalyq qujattama ázirlenýde.

«Janýarlarǵa jaýapkershilikpen qaraý týraly» Zańnyń normalaryn iske asyrý maqsatynda 490 qańǵyrǵan ıt pen mysyq úshin chıpter satyp alyndy. Janýarlardy vaktsınatsııalaý jáne zararsyzdandyrý qyzmetin kórsetetin mekememen shart jasasyp jatyrmyz. Sondaı-aq áleýmettik osal topqa jatatyn azamattardyń úı janýarlaryn sáıkestendirý úshin 1 870 chıp satyp alyndy», - delingen aqparatta.