Abaı oblysy Úrjar aýdanynda shaǵyn jáne orta bıznes qarqyndy damyp keledi
Oblys ákimdiginiń málimetine súıensek, 2023 jyldyń basynan beri Úrjar aýdanynda kásipkerlikti damytýǵa qatysty 337 joba júzege asyrylǵan.
«Atap aıtqanda, «Kásipkerlikti damytýdyń 2021-2025 jyldarǵa arnalǵan ulttyq jobasy» aıasynda ekinshi deńgeıli bank arqyly 23 joba júzege asyrylyp, «Damý qory» AQ arqyly sýbsıdııalandy. «Damý qory» AQ arqyly 18 kásipkerge 127 mln teńge mólsherinde kepildik berildi. Jyl basynan beri «Agrarlyq nesıe korporatsııasy» AQ jáne «Іsker» baǵdarlamasy sheńberinde jalpy somasy 521,7 mln teńgege 60 joba qarjylandyrylǵan», - delingen habarlamada.
Sondaı-aq bıyl «QazAgroQarjy» AQ arqyly jalpy somasy 3,2 mlrd teńgege 233 jańa aýyl sharýashylyǵy tehnıkasy lızıngke satyp alyndy. «Aýyl amanaty» baǵdarlamasymen 583,7 mln teńgeni quraıtyn 100 jobaǵa qujat jiberilgen. Búginde 59 joba maquldandy.
«Úrjar aýdanynda 6 532 shaǵyn jáne orta bıznes sýbektisi bar. Tirkelgenderdiń ishinde jumys isteıtin shaǵyn kásiporynnyń úlesi 95,3% (6854) quraıdy. Aýdan turǵyndarynyń 15,2% nemese 6 395 adam shaǵyn kásipkerlikpen aınalysady», - delingen aqparatta.