Abaı oblysy Tatarstanmen yntymaqtastyqty damytýdy kózdeıdi

<p>Abaı oblysy ákimi Nurlan Uranhaev bastaǵan delegatsııa jumys saparymen arnaıy Tatarstan Respýblıkasyna keldi. Negizgi maqsat &ndash; eki óńir arasyndaǵy baılanystardy nyǵaıtý, seriktestik qatynastardy keńeıtý, yntymaqtastyqty damytý, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Delegatsııa quramynda Semeı, Kýrchatov qalalarynyń ákimderi, oblystyq máslıhat tóraǵasy, óńirdiń iri kásipkerleri men bıznes ókilderi, basqarma basshylary jáne JOO rektorlary bar.

Sapar baǵdarlamasynyń mańyzdy bóligi Tatarstan Respýblıkasynyń Raısy Rýstam Mınnıhanovpen kezdesý boldy.

Ekijaqty resmı kezdesý barysynda ónerkásipti damytý, bilim berý, týrızm, mádenıet, sport, energetıka, mashına jasaý jáne tsıfrlandyrý máseleleri talqylandy.

Foto: Abaı oblysy ákimdigi

«Búgingi kezdesý – tamyry túrkiden tarap, ejelden irgesi sógilmeı kele jatqan týysqan eki el yntymaǵynyń jarqyn kórinisi. Memleket basshylarymyzdyń kemel saıasatynyń arqasynda, bizdiń dostyq qarym-qatynasymyz nyǵaıyp, damýdyń jańa belesine kóterildi. Biz áleýmettik-ekonomıkalyq jáne mádenı-gýmanıtarlyq sıpattaǵy barlyq baǵyttar boıynsha tyǵyz yntymaqtastyqqa múddelimiz. Bul kezdesý eki tarap úshin de jemisti, al sapar ózara yntymaqtastyq kókjıegin keńeıtedi degen senimdemin», - dedi oblys ákimi Nurlan Uranhaev.

Delegatsııa Tatarstan Respýblıkasynyń ınvestıtsııalyq damý agenttiginde boldy. Bul uıym óz qyzmetiniń 10 jylynda túrli salalarda turaqty oń dınamıkany kórsetti.

Mekeme basshylyǵy bolashaqta iri jobalarda Abaı óńirimine birgejúzege asyrýǵa daıyn ekendigin jetkizdi.

Foto: Abaı oblysy ákimdigi

Sondaı-aq, Saýda-ónerkásip palatasynda Abaı oblysy men Tatarstan Respýblıkasynyń kásipkerleri bas qosyp, ashyq formatta eki óńir kásipkerleri arasynda kelissóz júrgizilip, nátıjesinde yntymaqtastyq týraly kelisimge, sondaı-aq birlesken jobalardy iske asyrýda ýaǵdalastyqqa qol jetkizildi.

Sonymen qatar, oblys ákimi óńirdiń JOO-nyń rektorlarymen birge Qazan federaldy ýnıversıtetine bardy.

Bul ýnıversıtette 18 fakýltet, 164 kafedra, sondaı-aq 4000-ǵa jýyq oqytýshy bar.

Kezdesý barysynda eki óńirdiń ýnıversıtetteri arasyndaǵy yntymaqtastyq jáne stýdenttermen almasý máseleleri talqylandy.

Foto: Abaı oblysy ákimdigi

Sondaı-aq delegatsııa músheleri Tatarstan Respýblıkasynyń Ulttyq kitaphanasynda boldy.

Búginde onyń qorynda 3 mln 200 danadan astam baspa týyndylary, onyń ishinde tatar tilindegi 104 myń kitap bar, qoljazba jáne sırek kezdesetin kitaptyń 14 myń danasy jınaqtalǵan.

Aldaǵy ýaqytta Abaı oblysynyń delegatsııasy ozyq tehnologııalarymen tanymal Innopolıs qalasyna barýdy josparlap otyr.

Foto: Abaı oblysy ákimdigi