Abaı oblysy ákiminiń birinshi orynbasary qyzmetinen bosatyldy

<p><span style="font-family: sans-serif; font-size: 18px;">Abaı oblysy ákiminiń birinshi orynbasary Aıdyn Kárimov basqa jumysqa aýysýyna baılanysty qyzmetinen bosatyldy, dep habarlaıdy <a href="https://kaz.inform.kz/" target="_blank" rel="noopener">QazAqparat </a>tilshisi óńir ákimdigine silteme jasap.</span></p>

Aıdyn Meırambekuly 1988 jylǵy 1 qańtarda Semeı qalasynda dúnıege kelgen. L. Gýmılev atyndaǵy Eýrazııa ulttyq ýnıversıtetin, Qazaq qarjy-ekonomıka akademııasyn, Qazaq Gýmanıtarlyq zań ýnıversıtetin támamdaǵan.

Eńbek jolyn 2006 jyly bastaǵan. Túrli jyldary QR TJM «Esepteý tehnıkasy, telekommýnıkatsııalar, ınformatıka jáne sıtýatsııalyq taldaý» RMK, «AıTı-Servıs» JShS, «Ulttyq aqparattyq tehnologııalar» AQ, «Telekommýnıkatsııalar salasyndaǵy tehnıkalyq súıemeldeý ortalyǵy» RMK, Astana jáne Semeı qalalary ákiminiń apparattarynda qyzmet etken.

2012-2016 jyldary QR Ekonomıkalyq damý jáne saýda mınıstrligi Halyqaralyq ekonomıkalyq ıntegratsııany retteý departamentiniń dırektorynyń orynbasary, basqarma basshysy, bas sarapshysy bolyp jumys istedi.

2016 jyldan bastap QR Premer-Mınıstri Keńsesiniń qurylymynda jumys istedi: 2016-2017 jyldary – Syrtqy baılanystar jáne hattama bólimi meńgerýshisiniń orynbasary, 2017-2019 jyldary – Syrtqy baılanystar jáne hattama bóliminiń meńgerýshisi – QR Premer-Mınıstriniń hattama shefi.

2019 jyldyń sáýir-qarasha aılary aralyǵynda QR Premer-Mınıstri Keńsesiniń Syrtqy ekonomıkalyq yntymaqtastyq jáne hattama bóliminiń meńgerýshisi laýazymyn atqardy.

2019-2022 jyldary QR Premer-Mınıstriniń Keńsesi basshysynyń orynbasary boldy. Al 2022 jyldyń 22 maýsymynan osy ýaqytqa deıin Abaı oblysy ákiminiń birinshi orynbasary qyzmetinde boldy.