Abaı qalasynda 38 mln teńgeniń temeki buıymdary zańsyz aınalymnan alyndy

QARAǴANDY. QazAqparat – Qaraǵandy oblysy Abaı qalasynda zańsyz aınalymnan 11,5 myńnan astam temeki buıymdary alyndy, dep habarlaıdy QazAqparat Memlekettik kirister komıtetine silteme jasap.

Qaraǵandy oblysy boıynsha Memlekettik kirister departamenti Qaraǵandy oblysy boıynsha ETD jáne Qaraǵandy oblysy PD UQQKB-men ózara is-qımyl jasaı otyryp, 28 shildede sáıkestendirý quraldarymen tańbalanýǵa jatatyn aktsızdeletin ónimniń zańsyz aınalymy boıynsha kezekti qyzmettiń jolyn kesti.

Abaı qalasyndaǵy qoıma úı-jaılary men dúkeniniń birin tekserý barysynda elektrondyq temeki, veıp-qurylǵylar jáne olarǵa suıyqtyq túrindegi 11,5 myńnan astam zańsyz temeki buıymdary anyqtaldy. Zańsyz ónim kóterme jáne bólshek saýdada satylyp, jetkizý oblys sheginde de, Qazaqstannyń basqa óńirlerine de júzege asyrylǵan.

Alynǵan ónimniń naryqtyq quny – shamamen 38 mln teńge.

Ákimshilik is qozǵaldy. Taýar tárkilenip, odan ári joıylýy boljanady.