Abaı atyndaǵy opera jáne balet teatrynyń solısteri halyqaralyq festıvalde dıplomant atandy

ALMATY. QazAqparat- 18-21 maýsym aralyǵynda Reseıdiń Úlken teatrynyń tarıhı sahnasynda «Benois de la Danse» halyqaralyq balet festıvali ótti, dep habarlaıdy QazAqparat tilshisi.

Teatr baspasóz qyzmetiniń málimetinshe, atalmysh sharada Abaı atyndaǵy qazaq ulttyq opera jáne balet teatrynyń jetekshi balet solısteri Malıka Elchıbaeva men Bogdan Verbovoı halyqaralyq festıvalde dıplomant atandy.

Nomınanttardyń qatarynda 6 jetekshi klassıkalyq uıymnyń jáne ártúrli elderdiń zamanaýı ujymdarynyń solısteri qatysty.

Olar – Reseıdiń úlken teatryny, Marıın teatryny, Qytaı ulttyq balet teatry, Abaı atyndaǵy Qazaq ulttyq opera jáne balet teatry, ıÝnıversal baletiniń (Seýl), Novosıbırsk opera jáne balet teatrynyń solısteri óner kórsetti.

«21 maýsym «Benýa de la Dans juldyzdary» atty - ár jyldardaǵy laýreattardyń gala - kontserti ótti. Kesh baǵdarlamasyna bı óneriniń túrli stılderi men baǵyttarynyń týyndylary kirdi. Keshte, Malıka Elchıbaeva men Azamat Asqarov Tımýr Myńbaevtyń «Freskalar» baletinen adajıo, al Bogdan Verbovoı men Janel Týkeeva Sergeı Prokofevtiń «Romeo men Djýletta» baletinen adajıo oryndady»,- dep atap ótti teatrdyń baspasóz qyzmetinen.

Aıta keteıik, teatrdyń balet trýppasynyń kórkemdik jetekshisi, Qazaqstannyń Halyq ártisi –Gúljan Tútkibaeva, Reseı Federatsııasynyń halyq ártisi, «La Skala» Mılan teatrynyń jáne Úlken teatrdyń prıma-balerınasy Svetlana Zaharovanyń shaqyrtýymen osy festıvaldiń qazylar alqasynyń múshesi boldy.

Benois de la Danse — 1991 jyly 29 sáýirde bı kúnine arnalǵan halyqaralyq horeograftar odaǵymen qurylǵan dástúrli balet festıvali. Alǵashynda túrli balet mektepteri men zamanaýı baǵyttaǵy úzdik ókilderi jınalatyn álemdik qoıylymdar ótkiziletin balet gala-kontserti retinde oılastyrylǵan bolatyn.