Abaı atyndaǵy opera jáne balet teatrynyń solısi Reseıdegi konkýrsta júlde aldy

ALMATY. QazAqparat - Qazaqstandyq opera ánshisi tanymal kompozıtor Rımskıı-Korsakovtyń otanynda ótken halyqaralyq baıqaýda sátti óner kórsetti, dep habarlaıdy QazAqpara tilshisi.

N.A.Rımskıı-Korsakov atyndaǵy opera ánshileriniń 11 halyqaralyq baıqaýy RF Lenıngrad oblysy Tıhvın qalasynda aıaqtaldy. Ol alǵashqyda Sankt-Peterbýrgte ótýi tıis edi, alaıda uıymdastyrý komıteti ony N.A.Rımskıı-Korsakovtyń týǵan jeri - Tıhvın qalasyna arnaıy aýystyrǵan.  Konkýrstyń aqtyq kezeńi kompozıtordyń esimi berilgen Mádenıet saraıynda ótti.

Bıyl konkýrsqa qatysýǵa 12 elden 150 ótinim túsken. Otandasymyz, Abaı atyndaǵy Memlekettik akademııalyq opera jáne balet teatrynyń jetekshi solısi Emıl Sakavov 2-inshi júldege (ekinshi oryn) ıe boldy. Sondaı-aq, atalmysh teatrdyń kontsertmeısteri Marına Altýhova Lenıngrad oblystyq mádenıet komıtetiniń alǵys hatyn ıelendi.

Emıl Sakavov - Qazaqstan, Reseı, Belarýs jáne Eýropa elderinde ótken 10 halyqaralyq konkýrstyń jeńimpazy (laýreat), Qazaqstan Prezıdenti N.Nazarbaev atyndaǵy magıstrlik stıpendııa ıegeri.

Avtory Albert Ahmetov