Abaı atyndaǵy QazUPÝ - Bilim berýdegi ınnovatsııalar baıqaýynyń seriktesi

ALMATY. QazAqparat - Abaı atyndaǵy Qazaq ulttyq pedagogıkalyq ýnıversıteti alǵash ret Máskeý qalasyndaǵy Joǵary ekonomıka mektebi bilim berý ınstıtýty (JEM) jyl saıyn ótkizetin bilim berýdegi ınnovatsııalar baıqaýyna (KIvO) seriktes boldy, dep habarlaıdy QazAqparat atalmysh joǵary oqý ornynyń baspasóz qyzmetine silteme jasap.

«Bul seriktestik «Bilim berý ınnovatsııalaryn irikteý jáne baǵalaý jáne pedagogıkalyq eksperıment júrgizý» halyqaralyq jobasy aıasynda uıymdastyryldy.

Oǵan bilim salasyna qyzyǵýshylyq tanytatyndardyń barlyǵy qatysa aldy.

Endi 28 qazanda fınalǵa Máskeýge baratyn komandalardyń tizimi jarııalandy», - deıdi ýnıversıttegiler.

Bıylǵy jyly KIvO-Qazaqstan baıqaýynyń tarmaǵy óz jemisin berdi. Fınalıster arasynda Nur-Sultan qalasynan eki komanda bar.

Tómende keltirilgen jobalardyń tizimi kóbinese bilim berýdi tsıfrlandyrýǵa baılanysty ekendigi baıqalady. Biraq tsıfrlandyrý arqyly baıqaýǵa qatysatyn komandalar bilim berý protsesine qatysýshylardy qoldaýdyń túrli máselelerin sheshýdi usynady. Bizdiń qazaqstandyq komandalar da odan tys emes. Fınalǵa shyqqan jobalar:

1. Ǵalymdarǵa arnalǵan Kraýdfandıng (Sankt-Peterbýrg) - ǵylymı jobalardy birlesip qarjylandyrýǵa arnalǵan ádistemelik platforma;

2. UAVProf (Kalınıngrad) - https://uavprof.com -ushqyshsyz avıatsııanyń onlaın mektebi;

3. Mektep Krıptovalıýtasy (Máskeý) - https://schoolspace.ru Oqýshylardy bilimge, sportqa jáne shyǵarmashylyqqa yntalandyrýdyń ekojúıesi;

4. WM Products (Máskeý) - https://wm-24.website - kórý erekshelikteri bar adamdarǵa arnalǵan veb-resýrstardy beıimdeý qyzmeti;

5. Interaktıvti dene shynyqtyrý kesheni (Chelıabınsk) - https://playstand.ru -gıbrıdti formattaǵy saýyqtyrý oıyndarynyń jabdyǵy, soft jáne ádistemesi;

6. «Hımıchım doma vmeste» fleshmoby (Kýrsk);

7. UNITO (Novosıbırsk) - mektepte býllıngti aldyn alýǵa arnalǵan ústel oıyny;

8. IZIDZ (Sevastopol https://izidz.com) - mektep úı tapsyrmalarymen kómek kórsetý servısi;

9. Vırtýaldy pedagogıkalyq agent (Máskeý) – «Vırtýaldy klass» tehnologııasynyń tıimdiligin arttyrý úshin chat-bot;

10. Smart Grades (Nur-Sultan) - balalar men ata-analarǵa arnalǵan úlgerimdi baqylaý boıynsha mobıldi qosymsha;

11. QPSY (Nur-Sultan) - psıhologııany tsıfrlandyrý - oqýshylarǵa psıhologııalyq kómek kórsetý platformasy.

Fınalıster jazǵy mektep kezeńinen onlaın ótti. Endi olardyń aldynda jańa mindet tur - óz ıdeıalaryn qalaı júzege asyrý kerektigin kórsetý. Bul baǵytta olarǵa Joǵary ekonomıka mektebi bilim berý ınstıtýty (Máskeý q.) men Abaı atyndaǵy Qazaq Ulttyq pedagogıkalyq ýnıversıtetiniń pedagogıka jáne psıhologııa ınstıtýty ǵalymdary kómek kórsetýi tıis. (Qazaqstannan ótinimder úshin). Eksperımenttiń dızaınyn jasaý, alańdy uıymdastyrý bizdiń birlesken jobanyń mindeti.

Abaı atyndaǵy Qazaq Ulttyq pedagogıkalyq ýnıversıteti jobasynyń jetekshileri baıqaýǵa belsendi qoldaý kórsetip keledi.