Abaı atyndaǵy Memlekettik syılyqqa ótinimder qabyldaý bastaldy

<p>Qazaqstan Respýblıkasynyń 2024 jylǵy Abaı atyndaǵy ádebıet jáne óner salasyndaǵy Memlekettik syılyǵyna baıqaý jarııalandy. Ótinishter men jumystardy qabyldaý 1 naýryzǵa deıin jalǵasady, dep habarlaıdy QR Mádenıet jáne aqparat mınıstrliginiń baspasóz qyzmeti.&nbsp;</p>

Abaı atyndaǵy Memlekettik syılyq Qazaqstan mádenıetiniń damýyna erekshe qundy úles dep tanylǵan ádebıet pen óner salasyndaǵy kórnekti eńbekteri úshin Qazaqstan Respýblıkasynyń azamattaryna jáne sheteldikterge beriledi.

Shartqa sáıkes, syılyqqa jumystardy usynýdy memlekettik organdar, shyǵarmashylyq odaqtar men toptar júzege asyrady. Abaı atyndaǵy memlekettik syılyqqa jumystardy qabyldaý aıaqtalǵanǵa deıin bes jyldan aspaıtyn ýaqytta jáne keminde bir jyl buryn (2024 jyldyń 1 naýryzyna deıin) kópshilik aınalym úshin oryndalǵan bir avtordyń nemese avtorlar ujymynyń jumystary (bir jumys) usynyla alady.

Baıqaýǵa qatysý erejelerimen jáne jumystardy tirkeý úshin qajetti qujattar tizbesimen QR Mádenıet jáne aqparat mınıstrliginiń saıtynan tanysýǵa bolady.