«Abaı armany» atty onlaın kontsert ótedi
Qazaqkontsert baspasóz qyzmetiniń málimetinshe, onlaın kontsertte belgili ánshiler, Qazaqstannyń eńbek sińirgen qaıratkerleri Bıbigúl Januzaq, Azamat Jyltyrkózov, Medet Shotabaev, Erlan Rysqalı, Ardaq Balajanova jáne halyqaralyq baıqaýlardyń laýreattary Asqar Muqııat, Aıaýlym Qamajan óner kórsetedi. Onlaın formatta ótetin merekelik kontsertte Abaıdyń ánderi men onyń óleńderine jazylǵan ánder oryndalady.
«Ult rýhanııatynyń temirqazyǵyna aınalǵan Abaıdyń 175 jyldyǵy aıasynda «Abaı kúni» degen ataýly datanyń belgilenýi biz úshin qýanyshty jańalyq boldy. Uly Abaıdyń baı mýzykalyq murasynda ulttyq ónege men mol taǵylym jatyr. Sondaı-aq poetıkalyq jáne kompozıtorlyq týyndylarymen qazaq mýzykasyna jańa lep ákelgen Abaıdyń án murasy erekshe sulýlyǵymen, kórkemdik baılyǵymen, áýezdiligimen qundy. Abaıdyń shyǵarmashylyǵyna ǵana tán osy Qazaqkontsert solısteri usynatyn jańa kontserttik baǵdarlama kórinis tabady», - dedi Qazaqkontsert basshysy Jeńis Seıdýllauly.