«Abaı álemi» baıqaýynyń qorytyndysy jarııalandy
Baıqaýdy uıymdastyrýshylar Nursultan Nazarbaev Qory men Memlekettik tildi damytý qory Qazaqstannyń ár óńirinen kelgen 100- den astam ǵylymı jumysty iriktep aldy.
Konkýrsqa qatysýshylardyń jumystary Abaı shyǵarmashylyǵy, onyń ishinde aqyn shyǵarmashylyǵynyń ádebı dástúrler men qazaq ádebıetine áseri qatysyndaǵy zertteýlerdi qamtıdy. Eńbekterdiń biraz bóligi oıshyl shyǵarmalaryndaǵy ulttyq rýhanı qundylyqtardyń kórinisi men óleńderiniń tekstologııasyna arnalǵan.
- Baıqaýdy uıymdastyrý arqyly biz uly qazaq oıshyly Abaıdyń murasyn nasıhattaýǵa, daryndy jas ǵalymdardy, olardyń shyǵarmashylyǵyn anyqtaýǵa jáne qoldaýǵa tyrysamyz. Osylaısha biz qoǵamda halyq dástúrlerin, adamgershilik qundylyqtaryn jáne olardyń biregeı shyǵarmashylyǵyn nyǵaıtýǵa yqpal etemiz, - dep atap ótti Nursultan Nazarbaev Qorynyń atqarýshy dırektorynyń orynbasary Álkeı Marǵulan.
Quramyna belgili qoǵam qaıratkerleri, abaıtanýshy ǵalymdar, aqyndar engen qazylar alqasynyń múshelerine baıqaý jeńimpazdaryn anyqtaý ońaı bolǵan joq. Qatysýshylardyń jumystary ıdeıalardyń ereksheligimen, dáıektiligi men naqtylyǵymen erekshelendi.
Nátıjesinde úzdikter qatarynan baıqaý jeńimpazdary irikteldi.
Stýdentter arasynda I oryndy Ál-Farabı atyndaǵy QazUÝ 2 kýrs stýdenti Ázimbek Qoılybaı jeńip aldy. Ol arnaıy dıplom men 300 000 teńge kólemindegi syılyqtyń ıegeri atandy. Eýrazııa gýmanıtarlyq ınstıtýtynyń 4 kýrs stýdenti Atabaı Qýanyshov pen E.A. Bóketov atyndaǵy Qaraǵandy memlekettik ýnıversıtetiniń 2 kýrs stýdenti Nuraı Ǵazızovqa II oryn úshin arnaıy dıplom men 200 000 teńge syıaqy berildi. III oryndy Sh.Ýálıhanov atyndaǵy Kókshetaý memlekettik ýnıversıtetiniń 4 kýrs stýdenti Nazgúl Aısenova, E.A.Bóketov atyndaǵy Qaraǵandy memlekettik ýnıversıtetiniń 3 kýrs stýdenti Gúlsimaı Saırambek, Nazarbaev Ýnıversıtetiniń 2 kýrs stýdenti Móldir Bıjanova ózara bólisip, árqaısysy 100 000 teńge kólemindegi syıaqyǵa ıe boldy.
Al magıstranttar arasynda I oryn ıelengen Sh. Esenov atyndaǵy Kaspıı memlekettik tehnologııalar jáne ınjınırıng ýnıversıtetiniń 1 kýrs magıstri Mýstafa Shohaevqa dıplom men 400 000 teńge syıaqy tabys etildi. II oryndy Ál-Farabı atyndaǵy QazUÝ jáne Qurmanǵazy atyndaǵy Qazaq ulttyq konservatorııasynyń 2 kýrs magıstrleri Abaı Myrzaǵalı men Sherhan Muhambetjanov ıelendi. Jas ǵalymdar 300 000 teńgeden syıaqy aldy. ІІІ oryn úsh qatysýshyǵa buıyrdy: Turan - Astana ýnıversıtetiniń 1 kýrs magıstri Kalıakbar Úsemhanuly, І. Jansúgirov atyndaǵy Jetisý memlekettik ýnıversıtetiniń 2 kýrs magıstri Aqbota Qajybekova men 1 kýrs magıstri Zeınegúl Jumabekova 200 000 teńge syıaqy aldy.
Úzdik ǵylymı jumystar «Abaialemi.kz» portalynda jarııalanady.