«Abaı», «Ál-Farabı» serıaldary Táýelsizdik kúninde ulttyq arna efırine shyǵady
«Pandemııa otandyq teleserıaldar óndirisine kedergi bolǵanymen, óndiris tolyqtaı toqtap qalǵan joq. Bıyl biz 13 serıal túsirip jatyrmyz. Uly Abaıdyń 175 jyldyǵyna arnalǵan «Abaı» serıalynyń, Ál-Farabıdiń mereıtoıyna arnalǵan «Ál-Farabı» serıaldarynyń túsirilim jumystary sál kesheýildedi. Dese de aıaqtap úlgerdik. Osy tusta habarlap ótkim keledi, eki tarıhı týyndy da efırge jeltoqsanda, Táýelsizdik merekesinde shyǵady«, - dedi Lázzat Tanysbaı.
Munan bólek ol osy maýsymda roman jelisi boıynsha túsirilgen «Mahabbat, qyzyq mol jyldar», Táýelsizdikke arnalǵan 100 bólimdi «Zamandastar» telehıkaıasy efırge shyǵatynyn aıtty.
«Mahabbat, qyzyq mol jyldar» telehıkaıasynyń kastıngi tolyqtaı onlaın formatta ótti. Úmitkerlerden 7300-den astam foto, beıneótinish kelip tústi. Mundaı aýqymdaǵy onlaın kastıng biz úshin tyń tájirıbe boldy. Bul tájirıbeni biz odan ary da jalǵastyramyz«, - dedi «QAZAQSTAN» RTRK» AQ Basqarma tóraıymy.