Abaı-175: Birqatar shet elderde poshta markasy shyǵarylyp, ortalyqtar ashylady
«Abaı esimin AQSh, BAÁ, Polsha, Latvııada ulyqtaý aıasynda sol elderdiń poshta markalary shyǵarylady. Qazaqstannyń AQSh, Qytaı, BAÁ, Ózbekstan, Majarstan, Grekııa, Pákistandaǵy elshilikteri men Irannyń Gorgan qalasyndaǵy Bas konsýldyǵy ǵımarattarynda «Abaı ortalyǵy» ashylady», - dep atap ótti QR Syrtqy ister mınıstrliginiń baspasóz qyzmetinen.
Sonymen qatar Qazaqstannyń ulttyq ýnıversıtetteriniń Armenııa, Italııa, Bolgarııa, Latvııa, Indonezııa, Mysyr, Iordanııadaǵy seriktes-joǵary oqý oryndarynda, kitaphanalar men basqa ǵylymı-aǵartýshylyq mekemelerinde «Abaıdy zertteý ortalyqtary» da saltanatty túrde ashylady. Munan bólek, 2020 jylǵy 14-15 qazanda ıÝNESKO Atqarý keńesiniń 209-sessııasy aıasynda Parıdjegi ıÝNESKO shtab-páterinde Abaıdyń 175 jyldyǵyna arnalǵan ǵylymı-praktıkalyq konferentsııa, taqyryptyq kórme jáne mereıtoılyq gala-kontsert ótedi.
«TÚRKSOI jána ISESKO uıymdarymen de aýqymdy mádenı is-sharalar josparlanýda», - dep atap ótti vedomstvodan.
Esterińizge sala ketsek, taıaýda Aqordada Memlekettik hatshy Qyrymbek Kósherbaevtyń tóraǵalyǵymen Abaıdyń 175 jyldyq mereıtoıyn daıyndaý jáne ótkizý jónindegi memlekettik komıssııa otyrysy ótken bolatyn. Sol jıynda 2020 jyldyń 8 qańtarynda elordadaǵy «Qazaqstan» ortalyq kontsert zalynda Hakim Abaıdyń 175 jyldyq mereıtoıynyń bastalýyna arnalǵan saltanatty shara ótetindigi belgili bolǵan edi.