Abat Aıymbetov Túrkııa klýbyna aýysýy múmkin

<p>ASTANA. KAZINFORM - Qazaqstandyq fýtbolshy Abat Aıymbetov túrkııalyq &laquo;Adana Demırspor&raquo; klýbyna aýysýy múmkin. Bul jóninde túrkııalyq sport basylymdary habarlady.</p>

Túrkııalyq BAQ-tyń habarlaýynsha, komanda men fýtbolshy arasyndaǵy kelisimshart jaqyn kúnderde jasalady.

«Adana Demırspor» 2021/22 jylǵy maýsymnan beri Túrkııa sýperlıgasynda oıyn kórsetip keledi. Túrkııa sýperlıgasynyń 23-týrynan keıin komanda 31 upaımen segizinshi orynda keledi.

Aıta ketsek, byltyr Abat Aıymbetov elordalyq «Astana» sapynda barlyq týrnırde 45 oıynda 10 gol soǵyp, 3 nátıjeli pas berdi.

Sondaı-aq, ulttyq qurama sapynda 2024 jylǵy Eýropa chempıonaty irikteý satysynda 9 oıynda 3 goldyń avtory atandy.

Eske salsaq, bıyl fýtboldan Qazaqstan Birinshi lıgasynda qandaı komandalar óner kórsetetini belgili boldy.