ASTANA. KAZINFORM - Qazaqstandyq fýtbolshy Abat Aıymbetov resmı túrde túrkııalyq «Adana Demırspor» klýbynyń oıynshysy atandy. Bul jaıynda komandanyń baspasóz qyzmeti málim etti.
Kelisim-shart 1,5 1 júıesi negizinde jasalǵan. Ol túrkııalyq komandada senegaldyq shabýylshy Mbaıe Nıangýdiń ornyn basady.
Abat Aıymbetov 1995 jyly 7 tamyzda Qyzylorda oblysy Aral aýdanynda dúnıege kelgen.
Fýtboldaǵy alǵashqy qadamyn 2012 jyly «Aqtóbe» komandasynda bastady. Odan keıin almatylyq «Qaırat», elordalyq «Astana» klýbtarynda oıyn kórsetti.
Ulttyq qurama sapynda 2019 jyldan beri 35 oıynda 9 gol soǵyp úlgerdi. 2024 jylǵy Eýropa chempıonaty irikteý satysynda ulttyq qurama sapynda 9 oıynda 3 goldyń avtory atandy.
«Adana Demırspor» 2021/22 jylǵy maýsymnan beri Túrkııa sýperlıgasynda oıyn kórsetip keledi. Túrkııa sýperlıgasynyń 23-týrynan keıin komanda 31 upaımen segizinshi orynda keledi.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.