Abat Aıymbetov «Adana Demırspor» sapyndaǵy alǵashqy golyn soqty

<p>ASTANA. KAZINFORM - Qazaqstandyq fýtbolshy Abat Aıymbetov túrkııalyq &laquo;Adana Demırspor&raquo; klýby sapyndaǵy alǵashqy golyn soqty.</p>

Búgin «Adana Demırspor» el birinshiliginde «Antalıaspor» komandasymen kezdesken edi. 

Qazaqstandyq fýtbolshy 46-mınýtta jasyl alańǵa shyǵyp, 65-mınýtta qarsylas komanda qaqpasyn dál kózdedi. 

Oǵan bir komandada oınaıtyn áriptesi, aljırlik ıÝsef Atal pas shyǵaryp berdi. 

Kezdesý barysynda «Adana Demırspor» qarsylasyna 1:2 esebimen jol berdi.

Abat Aıymbetov «Adana Demırspor» klýbyna bıyl aqpan aıynda aýysty. 
 
Kelisimshart 1,5+1 júıesi negizinde jasalǵan. Ol túrkııalyq komandada senegaldyq shabýylshy Mbaıe Nıangýdiń ornyn basty.

Abat Aıymbetov 1995 jyly 7 tamyzda Qyzylorda oblysy Aral aýdanynda dúnıege kelgen. 

Fýtboldaǵy alǵashqy qadamyn 2012 jyly «Aqtóbe» komandasynda bastady. Odan keıin almatylyq «Qaırat», elordalyq «Astana» klýbtarynda oıyn kórsetti.

Ulttyq qurama sapynda 2019 jyldan beri 3 oıyn kórsetip keledi. 

«Adana Demırspor» 2021/22 jylǵy maýsymnan beri Túrkııa sýperlıgasynda oıyn kórsetip keledi.

Túrkııa sýperlıgasynyń 37-týrynan keıin komanda 44 upaımen on birinshi orynda keledi.