#abai175: Eloradadaǵy polıak dıasporasy Abaı óleńderin oqydy
«Nur-Sultan qalasyndaǵy «Polska Jedność» qoǵamdyq birlestigi qazaqtyń uly aqyny Abaıdyń175 jyldyǵyna arnalǵan #abai175 chellendjine qosyldy. Polshanyń Qazaqstandaǵy Tótenshe jáne Ókiletti Elshisi Selım Hazbıevıch, «Polska Jedność» QB ókilderi jáne № 67 gımnazııanyń Adolf ıAnýshkevıch atyndaǵy Polıak tili kabınetiniń oqýshylary Abaıdyń Polshanyń Qazaqstandaǵy burynǵy elshisi (2004 – 2007) Vladıslav Sokolovskı aýdarǵan óleńiniń úzindisin oqydy», - delingen YouTub-taǵy vıdeonyń sıpattamasynda.
Etnobirlestik ókilderiniń aıtýynsha, Polıak tili kabıneti jýyrda «Polska Jedność» qoǵamdyq birlestiginiń janynan, № 67 lıngvıstıka gımnazııasynyń bazasynda ashylǵan. Onyń resmı ashylý saltanaty endi bolady.
«Gımnazııanyń oqýshylary endi ǵana birneshe sabaqqa qatysqanyna qaramastan, uly Abaıdyń óleńderin polıak tilinde jap-jaqsy oqyp shyqty», - deıdi polıak fılologııasynyń magıstri ıÝstyna Tsalchynska.
Vıdeo avtorlarynyń aıtýynsha, Adolf ıAnýshkevıch kabınetiniń #abai175 chellendjine qatysýynyń zor máni bar. Óıtkeni ıAnýshkevıch Qunanbaımen áńgime ústinde Qazaqstannyń bolashaq astanasyna boljam jasapty.
«Biz estafetany: aýdarmanyń avtory Vladıslav Sokolovskıge, QR syrtqy ister vıtse-mınıstri Roman Vasılenkoǵa, Qazaqstannyń Polshadaǵy Tótenshe jáne Ókiletti Elshisi Marǵulan Baımuhanǵa, Slýpskidegi Abaı atyndaǵy Qazaq mádenı jáne ǵylymı ortalyǵynyń ókilderine, Polshadaǵy «Barys» Qazaqstan jastary qoǵamyna, Polshanyń Nur-Sultandaǵy burynǵy konsýly, qazir Nıý-delıdegi Polıak ınstıtýtynyń dırektory Malgojata Tanskaıaǵa, dostarymyz – polıak tiliniń úzdik aýdarmashysy Ásel Saǵymbekovaǵa jáne Qazaqstandaǵy eń tanymal polıak tili oqytýshysy Marta Zelınskaıaǵa, Qazaqstandaǵy polonııa uıymdarynyń ókilderine, polıak tiliniń oqytýshylaryna, sondaı-aq Qazaqstan men qazaq mádenıetin súıetin barsha polıaktarǵa joldaımyz», - deıdi «Polska Jedność» QB ókilderi.
Eske sala ketsek, eń alǵash bolyp uly aqynnyń óleńderin oqý #Abai175 estafetasyn 9 jasar mektep oqýshysy bastap, Memleket basshysy Qasym –Jomart Toqaevqa joldaǵan bolatyn. Keıin ony Bilim jáne ǵylym mınıstri Ashat Aımaǵambetovke jáne búkil álemdi moıyndatqan talantty ánshi Dımash Qudaıbergenge joldaǵan edi.
Onan soń Reseıdiń halyq ártisi Igor Krýtoı Dımash Qudaıbergen joldaǵan estafetany qabyl alǵan bolatyn.
Sonymen qatar, chellendjdi «QazAqparat» halyqaralyq aqparat agenttiginiń ujymy «Egemen Qazaqstan» gazetinen qabyl alyp, Abaıdyń «Kózimniń qarasy» ánin shyrqady jáne estafetany «Tatar-Inform» aqparat agenttigine, Qyrǵyz Respýblıkasynyń «Kabar» ulttyq aqparat agenttigine, «Tengrinews» jáne NUR.KZ portaldaryna joldaǵan edi.