#Abai175 chellendji álemniń 12 eline tarady

NUR-SULTAN. QazAqparat - #Abai 175 chellendji kún ótken saıyn aýqymyn keńeıtip jatyr. Aktsııaǵa Reseı, Belarýs, Ulybrıtanııa, Italııa, Egıpet, Túrkııa, AQSh, Ýkraına, Avstralııa, Qyrǵyzstan, Frantsııa jáne Qytaı sııaqty 12 eldiń ınternet qoldanýshylary atsalysyp úlgerdi», dep habarlaıdy QazAqparat.

«Bolashaq» baǵdarlamasynyń túlegi Shynar Sháken (@shakenshynar) bastaǵan aktsııany áýeli tanymal blogerler men vaınerler qoldap áketken bolatyn. Osylaısha áleýmettik jelide #Abai175 jáne #Abaı175 heshtegimen jarııalanǵan kreatıvti ıdeıalar kóbeıdi.

QR Prezıdenti Qasym-Jomart Toqaevtyń «Abaı Qunanbaıulynyń týǵanyna 175 jyl tolýyna arnalǵan» Jarlyqqa qol qoıýy «Bolashaq» túlegi bastaǵan aktsııaǵa tyń serpin berdi deýge bolady.

Kún saıyn Abaı óleńderinen úzindi oqýshylar qatary ósýde. Chellendjdi QR Prezıdenti Qasym-Jomart Toqaev ta qoldap,uly aqynnyń óleńin oqyp, estafetany mınıstrler men belgili ánshi Dımash Qudaıbergenovke tapsyrdy.

Osylaısha, poezııa estafetasyn Igor Krýtoı, QR Aqparat jáne qoǵamdyq damý mınıstri Dáýren Abaev, Qazaqstannyń Reseıdegi elshisi Imanǵalı Tasmaǵambetov, Reseıdiń shoý-bıznes ókilderi, Aqtóbeniń ákimi Ońdasyn Orazalın, Qazaqstannyń Halyq ártisi, professor Talǵat Temenov jalǵastyryp áketti.

Uly babany ulyqtaý bastamasyna Ázerbaıjan, Túrkııa, Irak, Tatarstannan nıettes aǵaıynnyń atsalysqany qýantady. Jyr estafetasynyń geografııasynyń keńip, Eýrazııa keńistiginde keń taraýyna ázerbaıjandyq tanymal jýrnalıst Aıda Eıvazova, túrkııalyq Yakup Ömeroğlu úles qosqanyn erekshe atap ótý kerek.

Búginge deıin chelendj aıasynda 6000-nan astam rolık jazylyp, 10 myńǵa jýyq#Abaı175 nemese #Abai175 heshtegi taraǵan.

Onyń 70,4 paıyzy Facebook-te, 15,7 paıyzy Instagram-da, (jáne 7 paıyzy Vkontakte jelilerinde jaryq kórgen.