Abaev: Telearna tilshisi bolǵanda Qazaqstan tarıhy týraly keńinen málimet berer edim
«Kazakh TV» álemniń 100-den astam elinde habar taratyp keledi. Bul biregeı múmkindik, ıaǵnı maqsatty aýdıtorııa 300 mıllıon adamǵa jýyq. Osy aýdıtorııa úshin Qazaqstannyń brendin, jalpy elimizdi mádenıet nasıhattaýda telearna mańyzdy ról atqarady»,-dedi mınıstr.
Sonymen qatar D. Abaev eger de osy telearnanyń tilshisi bolǵan jaǵdaıda Qazaqstan tarıhy týraly keńinen málimet berýge mán beretindigin atap ótti.
«Munymen qosa, Qazaqstannyń 25 jyldaǵy jetistigi týraly jobany iske asyrar edim. Atap aıtqanda, Astana týraly, túrli iri jobalardyń qurylysy, «Nurly jol» baǵdarlamasy aıasyndaǵy aýqymdy jumystardy qamtyp óter edim. ıAǵnı, júzege asyrýy sonshalyqty qıyn bolǵanymen, iske qosylǵan jobalardy keńinen kórsetýge tyrysamyn»,-dedi vedomstvo basshysy.
Telearnaǵa qoıylatyn birinshi talaptyń biri - elimizdi sheteldik aýdıtorııaǵa keńinen tanytý. Mınıstrdiń sózine qaraǵanda, «Kazakh TV» arnasynda qazaqstandyq jańalyqtar 15 paıyzǵa deıin qysqartylady. Sebebi, kúndelikti jańalyqtar shetel aýdıtorııasyna qyzyqty bolmaǵyndyqtan, kórermender nazaryna barynsha qyzyqty materıaldar usynylady. Osy rette shet memleketterden týrıster men ınvestıtsııa tartýǵa mán beriledi.
«Sondyqtan da elimizdiń mádenıeti, salt-dástúri, ekonomıkasy jáne biregeı tabıǵaty týraly tanymdyq baǵdarlamalarǵa negizgi ekpin qoıylady. Jańa jobalar Qazaqstannyń týrıstik jáne ınvestıtsııalyq tartymdylyǵyn arttyrady. Ol tek shetedikterge ǵana emes, sonymen qatar elimizdiń azamattary úshin de qyzyqty bolady»,-dedi mınıstr.
Aıta keteıik, búgin Dáýren Abaevtyń qatysýymen jańarǵan «Kazakh TV» arnasy resmı túrde iske qosyldy.
«Kazakh TV» jáne «Bilim jáne Mádenıet» arnalary bir «Kazakh TV» ataýymen taralady. Arna Qazaqstan tarıhy, mádenıet, dástúr, týraly baǵdarlamalaryn kórsetilimin jalǵastyrady. Arna HotBird 13B, Galaxy 19 jáne AsiaSat 5 spýtnıktik platformasynyń kómegimen qazaq jáne aǵylshyn tilderinde efırge shyǵady. Otandyq kórermenderge qazaq jáne orys tilderinde spýtnıktik jáne kabeldik arnalar arqyly qoljetimdi bolady.
Jańa televızııalyq maýsymda arna kontenti sheteldik bıznestiń keleshegi, bıznes jáne demalys úshin týrıstik sektorlar múmkindigine toqtalatyn, sondaı-aq Qazaqstannyń mádenı-tarıhı murasyn beıneleıtin taqyryptyq bloktarǵa bólinip tolyǵady.
«KAZAKH TV» óziniń alǵashqy kórsetilimin 2002 jyldyń 25 qazany kúni bastady. «Habar», «Habar 24» arnalarymen qatar «Kazakh TV» arnasy «Habar» Agenttigi» AQ teleotbasynyń bir bóligi bolyp tabylady. Spýtnıktik arna kómegimen álemniń 118 memleketine taraıdy. Olardyń arasynda Soltústik jáne Ortalyq Amerıka, Batys jáne Shyǵys Eýropa, Avstralııa jáne Muhıt elderi, Soltústik Afrıka, Taıaý Shyǵys, Azııa jáne Ońtústik Kavkaz elderi bar. Arna formaty - aqparattyq-tanymdyq.