Abaev: Prezıdent sheteldik kólikterdi tirkeýge jetkilikti ýaqyt berdi

NUR-SULTAN. QazAqparat – Sheteldik kólik ıeleri qazaqstandyq tirkeýge turýy kerek. Bul týraly QR Aqparat jáne qoǵamdyq damý mınıstri Dáýren Abaev «Ashyq dıalog» baǵdarlamasynda aıtty, dep habarlaıdy QazAqparat tilshisi.

«Memleket azamattarymen saýdalaspaıdy. Bul jerdegi basty másele - kúrdeli jaǵdaıdan durys shyǵý. Memlekettiń pozıtsııasy barynsha qarapaıym jáne túsinikti. Mundaı kólikterdiń ıeleri qazaqstandyq tirkeýge turýy kerek nemese basqa memleketke áketýi kerek. Bul suraqqa qatysty basqa jaýap joq», - dedi Dáýren Abaev «Ashyq dıalog» baǵdarlamasynda.

Ol onlaın saýalnama nátıjesi qazaqstandyqtardyń kóbi memleket pozıtsııasyn qoldaıtynyn kórsetkeni týraly aıtty.

«Olar ekologııa, salyq jáne taǵy máselelerdi eskerip otyr. Bul - oıyn jıi bildire bermeıtin kópshiliktiń pikiri. Mundaı adamdar óz quqyǵyn «aıǵaılaı« qorǵaıtyndarǵa qaraǵanda áldeqaıda kóp. Memleket ózine tán ártúrli ereksheligi bar kólikterdi birden tirkeý ońaı bolmaıtynyn biledi, sol sebepti Prezıdent 2021 jyldyń 1 naýryzyna deıin ýaqyt berdi. Bul - atalǵan máseleni sheshý úshin jetkilikti ýaqyt dep sanaımyn», - dedi ol.