Abaev #menoıandym# jaıly: Shynaıy ómir heshtegterdiń shaıqasymen janaspaıdy

NUR-SULTAN. QazAqparat - Aqparat jáne qoǵamdyq damý mınıstri Dáýren Abaev #menoıandym #heshtegimen tarap ketken vıdeorolıkterge qatysty pikir bildirdi, dep habarlaıdy QazAqparat tilshisi.

«Shynyn aıtaıyn, osy vıdeorolıkterdiń aınalasyndaǵy oı-pikirlerdi jaqsylap qadaǵaladym. Dese de, shynaıy ómir men shynaıy máseleler jelidegi soǵystarmen, heshtegter shaıqasymen janaspaıdy. Birneshe rolıkterdi kóre otyryp, avtorlar men sol vıdeoǵa túskender el taǵdyryna beı-jaı qaramaıtynyn baıqadym. Bul jaqsy úrdis. Alaıda keıbireýge bul belsendilikti «deklaratsııalaý» jetip jatyr. Bul - modaǵa aınalyp kete barady. Óz elińdi jaqsarta túsý úshin ózińdi bılikke qarsy qoıý - mindetti emes. Memleketpen seriktese otyryp, kóp nárseni ózgertýge bolatyn quraldar jeterlik. Ol jol - asa tıimdi ári qoǵamǵa kóbirek paıda ákeler edi», - dedi Dáýren Abaev Habar arnasyndaǵy «Ashyq dıalog» baǵdarlamasynda.

Aıta ketsek, birneshe kún buryn qazaqstandyq jastar #menoıandym# heshtegimen vıderolık taratyp, el ishindegi máselelerge narazylyqtaryn bildirgen bolatyn.